پاکستان آئی ایم ایف پروگرام ءِ چیر دستی ءَ جتا جتائیں مول ءُ مراد ءُ زمہ واری آنی پیلو کنگ ءِ واستہ مدام دیمروئی کنگ ءَ انت، مزن وزیر شہباز شریف ءَ منیجنگ ڈائریکٹر کرسٹالینا جارجیوا ءَ گوں گند ءُ نند ءَ گپ ءُ تران

نیویارک۔24ستمبر  (اے پی پی): مزن وزیر محمد شہباز شریف ءَ پاکستان ءِ گوما آئی ایم ایف ءِ دیریں جوڑیشت ءِ شریکداری ءِ توسیپ کنان ءَ گوشت کہ پاکستان آئی ایم ایف پروگرام ءِ چیر دستی ءَ جتا جتائیں مول ءُ مراد آنی پیلو کنگ ءِ واستہ برجاھیں پیشرفت کنگ ءَ اِنت ءُ آئی ایم ایف ءِ انوگیں سیلاب ءِ اثر ءَ را ملک ءِ سر ءَ ھوار کنگ بہ بیت۔ چار شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ آئی ءَ اے ھیالانی درشانی اقوام متحدہ ءِ جنرل اسمبلی ءِ ھشتمی دیوان ءِ ساھت ءَ انٹرنیشنل مانیٹری فنڈ ءِ منیجنگ ڈائریکٹر کرسٹالینا جارجیوا  ءِ گوما گند ءُ نند ءِ ساھت ءَ کت۔ مزن وزیر ءَ پاکستان ءِ گوما آئی ایم ایف ءِ دیریں جوڑیشت ءِ شریکداری ءَ را ساڑات، منیجنگ ڈائریکٹر کرسٹالینا جارجیوا  ءِ سروکی ءَ ایشی ءَ را گیش مھکم بوتگ۔ مزن وزیر ءَ آئی ایم ایف ءِ نیمگ ءَ پاکستان ءَ را جتا جتائیں گامگیج آنی وسیلگ ءَ وھد ءِ سر ءَ کمک ءِ منگ بوت، ایشی ءِ تہ ءَ مالی سال 2024 ءَ 3ارب ڈالر ءِ اسٹینڈ بائی بندوبست ھوار اِنت، ایشی ءَ پد 7ارب ڈالر ءِ توسیعی فنڈ آسراتی (ای ایف ایف) ءُ 1.4ارب ڈالر ءِ ریزیلینس ءُ پائیداری آسراتی (آر ایس ایف) ھوار اِنت۔ مھکمیں جزم ءِ گوما کنگ بوتگیں برجائی اصلاحات آنی سبب ءَ پاکستان ءِ معیشت ءِ تہ ءَ استحکام ءِ جوانیں نشانی گندگ ءَ کیت ءُ معیشت نوں وشھالی ءِ نیمگ ءَ ترندی ءَ گوں روگ ءَ اِنت۔ مزن وزیر ءَ اے رد ءَ آئی ایم ایف ءِ کمک ءَ را ساڑات کہ آئی ایم ایف حکومت ءِ اقتصادی اصلاحات ءِ کوشست آناں رہشونی کنگ ءَ مزنیں کردے پیلو کنگ ءَ اِنت۔ آئی ایم ایف پروگرام ءِ چیر دستی ءَ جتا جتائیں ٹارگٹ ءُ زمہ واری آناں سرجم کنگ ءِ نیمگ ءَ پاکستان ءِ برجاھیں پیشرفت ءِ سر ءَ دلگوش کنان ءَ مزن وزیر ءَ گوشت کہ گوستگیں سیلاب ءِ پاکستان ءِ معیشت ءِ سر ءَ آئی ایم ایف ءِ جائزہ ءِ تہ ءَ ھوار کنگ بہ بیت۔ آئی ایم ایف ءِ منیجنگ ڈائریکٹر ءَ پاکستان ءَ سیلاب ءِ آماچیں مردم آں گوں ہمدردی ءِ درشانی کتگ۔ آئی ءَ موثر ریکوری گامگیج آنی واستہ تاوان ءِ جائزہ ءِ ارزشت ءِ سر ءَ زور پر دات۔ آئی ایم ایف ءِ منیجنگ ڈائریکٹر ءَ مزن وزیر ءِ جوانیں میکرو اکنامک پالیشی آنی رندگیری ءِ واستہ جزم ءِ توسیپ کت ءُ آئی ایم ایف ءِ برجاھیں کمک ءِ یک رندے پدا گوشت کہ پاکستان ءَ را پائیدار دراجیں مدتی اقتصادی دیمروئی ءَ را دل یکیمی کنگ ءِ واستہ المی ئیں اقتصادی اصلاحات آنی سر ءَ عمل کنگ ءَ انت۔