سند مدرستہ الاسلام  یونیورسٹی اکیڈمک کونسل ءِ 15می دیوان برجم دارگ بوت

کراچی ۔24ستمبر  (اے پی پی): سندھ مدرستہ اسلام یونیورسٹی اکیڈمک کونسل ءِ 15می دیوان یونیورسٹی ءِ اسٹیشن ہال ءَ وائس چانسلر ڈاکٹر مجیب سہرائی ءِ سروکی ءَ برجم دارگ بوت۔ شورا ءَ فیکلٹی آف ایجوکیشن، فیکلٹی آف سائنسز، فیکلٹی آف انفارمیشن ٹیکنالوجی ءُ فیکلٹی مینجمنٹ، بزنس ایڈمنسٹریشن ءُ کامرس ءِ بورڈز ءِ منٹس ءِ سرا چار ءُ تپاسی کتگ ءُ منظور کتگ۔ دیوان ءَ ہائیر ایجوکیشن کمیشن ءِ پالیشی ءِ چیر دستی ءَ نوکیں کورس ءُ پنچمی سیمسٹر ءَ پد نودربرانی واستہ انٹرنشپ ءُ اے دگہ وانگ ءُ زانگ ءِ معاملہانی سرا گپ ءُ تران ءُ پیسلہ کنگ بوت۔ دیوان ءَ یونیورسٹی ءِ نفاذ ءِ کارکردگی ءِ چار ءُ تپاسی کنگ بوت ءُ اے گپ ءِ سر ءَ زور پر دات کہ وانینگ ءِ گوما پٹ ءُ پولی کار ءَ را گیش اولیت دیگ بیت۔ کونسل ءَ انڈسٹری ایڈوائزری بورڈ ءِ ھوار صنعت ءِ رابطہ کمیٹی ءِ واستہ پالیسی فریم ورک ءِ جوڑ کنگ ءِ واستہ انفارمیشن ٹیکنالوجی ءِ فیکلٹی ءِ بورڈ ءِ سفارشات ءِ منظوری ءِ پیسلہ کتگ۔ شورا ءَ ڈاکٹر اسٹیفن جان، چیئرپرسن ڈیپارٹمنٹ آف ایجوکیشن، اور ڈاکٹر عبدالحفیظ خان، چیئرپرسن ڈیپارٹمنٹ آف سافٹ ویئر انجینئرنگ  ءَ را ڈسپلین کمیٹی ءِ باسک نامزد کتگ انت۔ دیمترا پیسریگیں باسک آنی مدت ءِ ھلاس بوھگ ءَ پد کونسل ءَ ڈاکٹر جمشید عادل ہالیپوٹو، ڈین فیکلٹی آف مینجمنٹ، بزنس ایڈمنسٹریشن اینڈ کامرس  ءُ  ڈاکٹر سید آصف علی، پروفیسر آرٹیفیشل انٹیلی جنس اینڈ میتھمیٹیکل سائنسز  ءِ  ایفی لیشن کمیٹی  ءِ نامینگی ءِ منظوری داتگ۔ اکیڈمک کونسل ءَ گوں تران کنان ءَ وائس چانسلر ڈاکٹر مجاب سہرائی ءَ گوشت کہ ما اے وھد ءَ سکیں چیلنجیں دور ءَ زند گوازینگ ءَ ایں کہ ہر گوزوکیں روچ ءَ گوں ہائیر ایجوکیشن ءِ درستیں شوبگ آنی تہ ءَ نوکیں چیلنج پیداک بوھگ ءَ انت، پمیشکا یونیورسٹی ءِ نودربر اے چیلنج آناں منگ لوٹ ایت ءُ وتی رویہ ءُ رویہ ءَ را جوانیں رنگ ءَ بدل کنگ لوٹ ایت۔ آئی ءَ گوشت کہ مرچیگیں ڈیجیٹل دور ءِ نودربر ھم گوستگیں وھد ءِ نودربراں چہ جتا اِنت، پمیشکا وانینگ ءِ رھبند ءِ ھوار کورس آناں ھم استیں دور ءِ لوٹ آنی رد ءَ جوڑ کنگ بہ بیت۔ ڈاکٹر مجاب سہرائی ءَ نودربر آناں جوانیں وانگ ءُ زانگ پجاری ءِ واستہ فیکلٹی ءِ کرد ءَ را ساڑات ءُ گوشت کہ سندھ مدرستہ اسلام یونیورسٹی ملک ءِ جوانیں یونیورسٹی آنی تہ ءَ یک جوانیں یونیورسٹی ءِ بستار ءَ سہرا بوتگ۔ آئی ءَ اے ھم گوشت کہ سندھ مدرستہ اسلام یونیورسٹی ءَ جولائی ءِ ماہ ءَ وتی 5می کانووکیشن سوبمندیں رنگ ءَ برجم داشتگ ات ایشی ءِ تہ ءَ 367 نودربر آناں ڈگری دیگ بوتگ ات۔ ایشانی تہا سندھ مدرستہ اسلام یونیورسٹی ءِ اولی پی ایچ ڈی ہم ہوار ات۔ ڈاکٹر سہرائی ءَ گیش گوشت کہ سندھ مدرستہ اسلام یونیورسٹی وتی نودربر آناں المی آسراتی ءُ وانگ ءِ موہ پجارینگ ءِ واستہ سرگرمیں رنگ ءَ کار کنگ ءَ انت۔ اے درگت ءَ حشمت لودی یوتھ ڈویلپمنٹ سنٹر، اسٹوڈنٹس ڈویلپمنٹ فنڈ  ءُ اے آئی لیبز جوڑ کنگ بوتگ ۔ سندھ مدرستہ اسلام یونیورسٹی ءَ وتی نودربراں صنعت ءِ گوما وتی سیادی ءِ وسیلگ ءَ روزگار ءِ موہ ھم دنت۔