نیویارک۔ 23 ستمبر (اے پی پی) نائب وزیراعظم و وزیرخارجہ سینیٹر محمد اسحاق ڈار چندی جھیڑہ غاتا گواچی دنیا ٹی امن و رواداری نا کلچر ءِ مون آ دننگ کن اوآئی سی و اقوام متحدہ نا نیام اٹ شریداری ءِ سوگو کننگ نا گرج آ زور شاغانے۔ داخیال آتا درشانی ءِ او اقوام متحدہ نا جنرل اسمبلی نا 80 می دیوان نا وخت آ امن و رواداری نا بارواٹی …
دنیاٹی امن و رواداری نا کلچر ءِ مون آدننگ کن اوآئی سی و اقوام متحدہ نا نیام اٹ شریداری ءِ سوگو کننگ نا گرج ءِ، نائب وزیراعظم سینیٹر محمد اسحاق ڈار نا نیویارک اٹی اوآئی سی نا بڑزکو کہول انا دیوان آن تران
گیشتریں ھال
نیویارک۔ 23 ستمبر (اے پی پی) نائب وزیراعظم و وزیرخارجہ سینیٹر محمد اسحاق ڈار چندی جھیڑہ غاتا گواچی دنیا ٹی امن و رواداری نا کلچر ءِ مون آ دننگ کن اوآئی سی و اقوام متحدہ نا نیام اٹ شریداری ءِ سوگو کننگ نا گرج آ زور شاغانے۔ داخیال آتا درشانی ءِ او اقوام متحدہ نا جنرل اسمبلی نا 80 می دیوان نا وخت آ امن و رواداری نا بارواٹی اسلامی کمکار تنظیم (اوآئی سی) نا بڑزکو کہول انا دیوان آن تران کرساکرے۔ دفترخارجہ نا کنڈآن سے شنبے نادے آ جاری بیان نا رداٹ نائب وزیراعظم تینا تران اٹی خواجہ اکرم صلی اللہ علیہ و آلہ وسلم نا فلسفہ نا بدلی نا بابت اثرآتے مون آتخاوداہیت ءِ تالان کرے کہ ہراوڑ خواجہ صلی اللہ علیہ و آلہ وسلم نا انصاف، رواداری و امن آ تالان رغاموک آتا بازگشت اقوام متحدہ نا چارٹر نا اصول و مسخت آتیٹی بِننگک۔ اورسول صلی اللہ علیہ و آلہ وسلم نا رغامو ک و کڑ دانا عالمگیر مطابقت نا حوالہ ءِ ترسا میثاق مدینہ ءِ تکثیریت، مکالمہ و تین پہ تینی شرف و افہام وتفہیم آ تالان بین المذاہب تعلقداری نا سوگو درور گوندا۔ اوچندی جھیڑہ غاتا گواچی دنیا ٹی امن ورواداری نا کلچر ءِ مون آدننگ کن اوآئی سی و اقوام متحدہ نا نیام اٹ شریداری ءِ سوگو کننگ آہم زور شاغا۔
