نیو یارک۔23ستمبر (اے پی پی): مزن وزیر محمد شہباز شریف ءَ سعودی عرب ءِ مزنیں مفتی شیخ عبدالعزیز بن عبداللہ الشیخ ءِ بیرانی ءِ سر ءَ دلپدردی ءُ رنج ءِ درشانی کتگ ءُ گوشت کہ شیخ عبدالعزیز بن عبداللہ الشیخ ءِ بیرانی ناں ایوک ءَ سعودیہ بلکینگ ءَ سرجمیں مسلمان آںی واستہ یک گرانیں گمجتی ساھت اِت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ …
مزن وزیر شہباز شریف ءَ سعودی عرب ءِ مزنیں مفتی شیخ عبدالعزیز بن عبداللہ الشیخ ءِ بیرانی ءِ سر ءَ دلپدردی ءِ درشانی
گیشتریں ھال
نیو یارک۔23ستمبر (اے پی پی): مزن وزیر محمد شہباز شریف ءَ سعودی عرب ءِ مزنیں مفتی شیخ عبدالعزیز بن عبداللہ الشیخ ءِ بیرانی ءِ سر ءَ دلپدردی ءُ رنج ءِ درشانی کتگ ءُ گوشت کہ شیخ عبدالعزیز بن عبداللہ الشیخ ءِ بیرانی ناں ایوک ءَ سعودیہ بلکینگ ءَ سرجمیں مسلمان آںی واستہ یک گرانیں گمجتی ساھت اِت۔ سئے شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ شیخ عبدالعزیز بن عبداللہ الشیخ ءَ را شگر ءُ منت درشان کت ءُ گوشت کہ آ یک مزنیں دینی زانتکارے بوتگ آئی ءَ وتی سرجمیں زند قرآن ءُ سنت ءِ دیمروئی، امتہ پاک ءِ رہشونی ءَ گوازینتگ۔ آئی ءِ جہد ءُ علمی بصیرت پہ مسلمانیں امت ءِ یکوئی ءَ مدام یات کنگ بیت۔ آئی ءَ گوشت کہ مرحوم ءِ ھزمت مذھبی ءُ علمی روایت ءِ تہ ءَ یک رژنائیں بابے ءُ آئی ءِ پشت ءَ داتگیں علمی میراث ءَ چہ آیوکیں نسل آناں رھشونی ءِ ھاتر ءَ برجاہ دار ایت۔ مزن وزیر ءَ گوشت کہ پاکستان ءِ اُلس ءُ حکومت ءِ سعودی عرب ءِ براتیں ملک ءِ الس ءُ سروکی ءِ دلپدرد ءِ تہ ءَ یک پیم ءَ بھر زور اَنت۔ من بیران بوتگیں مردم ءِ ھاندان ، دو مسجد الحرام ءِ نگہبان شاہ سلمان بن عبدالعزیز ، ولی عہد محمد بن سلمان ءُ سرجمیں سعودی سروکی ءُ راج ءَ گوں دلپدردی ءِ درشان کناں ۔ آئی ءَ دعا کت کہ اللہ تعالیٰ مرگ ءَ جنت ءِ تہا بُرزیں جاہے بہ دنت ءُ آئی ءِ دینی عبادتاں قبول بہ کنت۔
