وفاقی وزیر احسن اقبال ءَ بیجنگ جینومکس انسٹی ٹیوٹ ءِ ہیڈ کوارٹر ءِ تر ءُ تاب کتگ، ادارگ ءَ پاکستانی ماہرین ءِ واستہ 500 اسکالرشپ ءِ جار

گوانگ ژو۔23ستمبر  (اے پی پی): منصوبگ بندی، دیمروئی، اصلاحات ءُ ھاسیں گامگیج آنی وفاقی وزیر پروفیسر احسن اقبال ءَ گوشت کہ پاک چین ءِ دوستی کوہ آنی چہ بُرز ءُ دریا ءَ چہ گیش گہتر اِنت، نوں جینومکس ءِ کمک ءَ گوں پاک چین ءِ دوستی انسانی جینوم ءِ وڑ ءَ بامرد بوتگ۔ وزارت ءِ منصوبہ بندی، دیمروئی ءُ اصلاحات ءِ نیمگ ءَ چہ جاڑی بوتگیں بیان ءِ رد ءَ آئی ءَ اے گپ سئے شمبے ءِ روچ ءَ گوانگجو ءَ بیجنگ جینومکس انسٹی ٹیوٹ (بی جی آئی) ءِ ہیڈ کوارٹر ءِ تر ءُ تاب ءِ وھد ءَ گوشت۔ اے موہ ءِ سر ءَ ادارگ ءَ پاکستانی کارزانت آنی واستہ 500 ٹریننگ اسکالرشپ ءِ پھجارینگ ءِ ھم جار جتگ۔ اے موہ ءِ سر ءَ گشتانک دیان ءَ وفاقی وزیر ءَ گوشت کہ جینومکس ءِ تہ ءَ کمک پاک چین ءِ دوستی ءِ نوکیں باب اِنت۔ دوئیں ملک چہ راہ ءُ در ءُ بجلی گس جوڑ کنگ ءَ دیم ءَ روگ ءَ اَنت ءُ زند ءِ بُنکی نقشہ ءَ سرپد بہ بنت۔ سی پیک 2.0 جینومکس ءِ تہ ءَ مزنیں منصوبگ اِنت ءُ بائیوٹیکنالوجی جان سلامتی، فوڈ سیکیورٹی ءُ نوآبادیاتی ءِ سر ءَ بنیات ءِ سر ءَ وشیں آیوکیں وھد ءِ ضمانت اِنت۔ آئی ءَ گوشت کہ کمک ایوک ءَ نادراھیانی درمان کنگ ءَ گوں بندوک نہ اِنت بلکینگ ءَ دوئیں ملک آنی تہ ءَ وشھالی ءِ راہ ھم پچ بیت، پاک چین ءِ دوستی کوہ ءَ چہ برز ءُ دریا ءَ چہ جہل اِنت۔ احسن اقبال ءَ گوشت کہ نوں جینومکس ءِ کمک ءَ گوں پاک چین دوستی انسانی جینوم ءِ وڑ ءَ بامرد بوتگ، بیلٹ اینڈ روڈ انیشیٹیو ءُ سی پیک ءِ چیر دستی ءَ جینومکس یک محدودیں آسراتی یے نہ بیت بلکیں سرکاری برکت جوڑ کنگ بیت۔ آئی ءَ گوشت کہ جینومکس کمک ءِ وسیلگ ءَ پاکستان ءُ چین یک جان سلامتیں نسل، فوڈ سیکیورٹی ءُ زانت ءِ سر ءَ بنیات ءِ معیشت ءِ واستہ سرمایہ کاری کنگ ءَ انت، ایشی ءِ دور رسیں اثرات بنت۔