راجی اسمبلی ءِ اسپیکر سردار ایاز صادق ءَ بحرین ءِ  کنگ   شاہ  حماد بن عیسیٰ الخلیفہ  ءَ گوں گند ءُ نند کتگ، دمگی ءُ جہانی جیڑہانی سرا گپ ءُ تران کتگ

منامہ۔23ستمبر  (اے پی پی): راجی اسمبلی ءِ اسپیکر سردار ایاز صادق ءَ سئے شمبے ءِ روچ ءَ بحرین ءِ شاہ حمد بن عیسیٰ الخلیفہ ءَ گوں الصفریہ  پیلس ءَ گند ءُ نند کتگ، ایشی ءِ تہ ءَ دوئیں سروک آں ھاسیں دمگی ءُ جھان ءِ جیڈھ آنی سر ءَ سرجمیں رنگ ءَ گپ ءُ تران کتگ۔ قومی اسمبلی سیکرٹریٹ ءِ رد ءَ سپیکر ءَ اے موہ ءِ سر ءَ گشتانک دیان ءَ گوشت کہ پاکستان ءُ بحرین ءِ نیام ءَ دیریں دوستی ءُ راجدپتری سیادی است انت، پاکستان بحرین ءِ گوما پارلیمانی سیادی ءَ را گیش مھکم کنگ ءِ واھشت مند انت۔ دوئیں راہشون آں پارلیمانی ءُ اقتصادی شوبگاں کمک ءِ تہ ءَ گیشی ءِ سر ءَ تپاک کتگ ۔ اے موہ ءِ سر ءَ دوئیں نیمگ ءَ پارلیمانی رابطہ ءُ قانون ساز تجروبت آنی مٹ ءُ بدلی ءِ سر ءَ زور پر دات۔ اسپیکر سردار ایاز صادق ءَ بحرین پارلیمنٹ ءِ پائیدار دیمروئی مول ءُ مراد ءِ سیکشن ءِ بندات کنگ ءِ توسیپ کت ءُ گوشت کہ پاکستان بحرین ءِ پائیدار دیمروئی مول ءُ مراد آنی سرجمی ءِ واستہ کمک کنگ ءِ واستہ جزمیگ انت۔ شاہ حمد بن عیسیٰ الخلیفہ ءَ پاکستانی اُلس ءِ وشھالی ءُ دیمروئی ءِ واستہ نیکیں واھشتانی درشان کت ءُ پاکستان ءُ سعودی ءِ اسٹریٹجک دفاعی معاہدے ءِ سرا مبارک بات دات۔ آئی ءَ پاکستان ءَ سیلاب ءِ تہ ءَ جانی ءُ مال ءِ تاوان ءِ سر ءَ اپسوز ءِ درشانی کت ءُ پاکستانی سیلاب ءِ آماچیں مردم آنی گوما ھمک رنگ ءِ کمک ءِ دل یکیمی دات۔ اسپیکر سردار ایاز صادق ءَ فلسطین ءُ کشمیر ءَ برجا بوھوکیں بربریت ءِ مذمت ءَ سک باز مذمت کتگ ءُ گوشت کہ دمگ ءَ دائمی امن ءِ برجائی ءِ واستہ کشمیر ءُ فلسطین ءِ جیڈھ آنی گیواری المی اِنت۔ بحرین ءِ شاہ حمد ءَ گوشت کہ پاکستان اسلامی دگنیا ءِ تہ ءَ نامداریں فوجی قوت ءِ واھند انت۔ راجی اسمبلی ءِ اسپیکر ایاز صادق ءَ گوشت کہ پاکستان امت ءِ اجتماعی نپ آنی رکھینگ ءِ واستہ جزمیگ انت۔ اسپیکر سردار ایاز صادق ءَ پاکستانی ڈل ءِ گرمیں مہمان داری ءِ پد ءَ شاہ حمد ءِ شگر ءُ منت واری درشان کت۔ آئی ءَ صدر آصف علی زرداری ءُ مزن وزیر شہباز شریف ءِ نیمگ ءَ چہ نیکیں واھگ آنی کلوہ سر کت، ایشی ءِ پد ءَ شاہ حمد بن عیسیٰ الخلیفہ ءَ وتی منت واری ءِ درشان کت۔