سعودی عرب ءِ اُلس ءُ سروکی ءَ را راجی روچ ءِ مبارک بات، دوئیں ملکانی نیام ءَ مھر ءُ شرپ ءِ سیادی جھان ءِ تک ءَ یک بے دروریں مثالے، رانا مشہود احمد خان

اسلام آباد۔23ستمبر  (اے پی پی): چیئرمین مزن وزیر ءِ ورنا پروگرام رانا مشہود احمد خان ءَ سعودی عرب ءِ راجی روچ ءِ درگت ءَ سعودی الس ءُ سروکی ءَ را مبارک بات دیگ ءِ وھد ءَ گوشت کہ دوئیں ملک آنی الس آنی نیام ءَ مھر ءُ شرپ ءِ سیادی جھان ءِ تک ءَ یک انچیں مثال اِنت، سعودی عرب ءُ پاکستان ءِ نیام ءَ وت مہ وتی کمک یک نوکیں باب اِنت۔ سئے شمبے ءِ روچ ءَ سعودی عرب ءِ راجی روچ ءِ موہ ءَ وتی کلوہ ءِ تہ ءَ آئی ءَ گوشت کہ اے روچ سعودی عرب ءِ یکوئی ءُ دیمروئی ءِ علامت ءُ آئی ءِ راجدپتری ءُ نوکیں سوبمندی آنی جشن اِنت۔ آئی ءَ گوشت کہ سعودی عرب ءَ جہانی تک ءَ یک نوکیں ریاست ءِ بستار ءَ وتی پجار جوڑ کتگ ءُ پڑ ءَ امن، برجائی ءُ دیمروئی ءِ واستہ آئی ءِ سروکی ءَ ھاسیں کرد پیلو کتگ۔ سعودی عرب ءِ سروکی ءَ اقتصادی دیمروئی، ٹیکنالوجی ءُ جھان ءِ تک ءَ وتی کرد ءَ را مھکم کنگ ءِ تہ ءَ زانت ءُ زانشت ءِ درشان کتگ۔ آئی ءَ گوشت کہ پاکستان ءُ سعودی عرب ءِ نیام ءَ براتی ءُ کمک ءِ سیادی مدام گہتری ءُ برجائی بوتگ۔ دوئیں ملک آنی اُلس ءِ نیام ءَ مھر ءُ شرپ ءِ سیادی جھان ءِ تک ءَ یک بے دروریں مثال اِنت۔ پاکستانی ورنا سعودی عرب ءِ دیمروئی ءَ چہ دلبڈی زور اَنت ءُ دوئیں ملک آنی نیام ءَ وانگ ءُ زانگ، سائنسی ءُ دود ءُ ربیدگی کمک ءِ واستہ گیشیں موہ آنی امیت ءَ دار اَنت۔ رانا مشہود احمد خان ءَ گوشت کہ سعودی عرب ءِ دود ءُ ربیدگی میراث ءُ اسلامی راجدپتر ءَ را سرجمیں دگنیا ءَ شرپ ءُ شرپ کنگ بیت۔ سعودی عرب مسلمانانی واستہ مقدسیں جاہے داریت پرچا کہ ایشی ءِ تہا مکہ ءُ مدینہ ءِ وڑیں مقدسیں شہر است انت کہ اودا ہر سال دنیا ءِ دراہیں دمگاں چہ مسلمان حج ءُ عمرہ ءِ ہاترا کاینت۔ آئی ءَ گوشت کہ سعودی عرب ءِ سروکی اسلامی دگنیا ءِ رہشونی ءَ کنت ءُ اے ملک مسلمان آنی یکوئی، ازت ءُ معنویات ءِ مرکز اِنت ایشی ءِ ارزشت ءَ را درستیں مسلمان من اَنت۔ رانا مشہود احمد خان ءَ گوشت کہ سعودی عرب ءِ سروکی ءَ جدیدیت ءِ ھمراھی ءَ دود ءُ ربیدگ ھم برجم داشتگ اَنت کہ ایشی ءِ سر ءَ فخر مندیں مثال اِنت۔ سعودی عرب ءِ راجی روچ نہ ایوک ءَ آئی ءِ سوبمندی ءِ جشن اِنت بلکیں آئی ءِ وشیں آیوکیں وھد ءِ پیش گوئی ھم اِنت۔ آئی ءَ سعودی عرب ءِ راجی روچ ءِ درگت ءَ پاکستانی ورنا آنی واستہ وشیں باندات ءِ واستہ نیکیں واھگ ءُ دعا آنی درشان کت ءُ گوشت کہ پاکستان ءُ سعودی عرب ءِ ورنا آنی نیام ءَ وت مہ وتی یک نوکیں باب ءِ انت۔