نیویارک۔23ستمبر (اے پی پی): مزن وزیر محمد شہباز شریف اقوام متحدہ ءِ جنرل اسمبلی ءِ 80می دیوان ءِ باقاعدہ بنگیج ءِ مراگش ءَ بہر زوریت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر نیویارک ءِ تر ءُ تاب ءِ ساھت ءَ جنرل اسمبلی ءِ دیوان ءِ بنداتی مراگش ءَ بھر زوری ءَ ابید امریکہ ءُ قطر ءِ میزبانی ءَ عرب …
مزن وزیر شہباز شریف اقوام متحدہ ءِ جنرل اسمبلی ءِ 80می دیوان ءِ باقاعدہ بنگیج ءِ مراگش ءَ بہر زوریت
گیشتریں ھال
نیویارک۔23ستمبر (اے پی پی): مزن وزیر محمد شہباز شریف اقوام متحدہ ءِ جنرل اسمبلی ءِ 80می دیوان ءِ باقاعدہ بنگیج ءِ مراگش ءَ بہر زوریت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر نیویارک ءِ تر ءُ تاب ءِ ساھت ءَ جنرل اسمبلی ءِ دیوان ءِ بنداتی مراگش ءَ بھر زوری ءَ ابید امریکہ ءُ قطر ءِ میزبانی ءَ عرب ءُ اسلامی ملک آنی ھاسیں سروک دیوان ءَ ھم بھر زوری کنت۔ اے دیوان ءَ پاکستان ءِ مزن وزیر ءَ را ھاسیں رنگ ءَ دعوت دیگ بیتگ، امریکی صدر ڈونلڈ ٹرمپ ھم دیوان ءَ بھر زوری کنت۔ مزن وزیر آسٹریا ءِ چانسلر کرسچن اسٹاکر، کویت ءِ ولی عہد ءُ مزن وزیر شیخ صباح الخالد، ورلڈ بینک ءِ صدر اجے بنگا ءُ انٹرنیشنل مانیٹری فنڈ (آئی ایم ایف) ءِ منیجنگ ڈائریکٹر کرسٹالینا جورجیوا ءِ گوما ھم گند ءُ نند کنت۔ مزن وزیر گلوبل ڈویلپمنٹ انیشیٹیو (جی ڈی آئی) ءِ مزن تک ءِ دیوان ءَ ھم بہر زوریت ءُ گشتانک دنت۔
