ریلوے ءِ وفاقی وزیر محمد حنیف عباسی ءَ امریکی چارج ڈی افیئرز نیٹلی اے بیکر  ءَ گوں گند ءُ نند کتگ، شریکداری ءُ سرمایہ کاری ءِ موہ آنی بابت ءَ گپ ءُ تران

اسلام آباد۔22ستمبر  (اے پی پی): ریلوے ءِ وفاقی وزیر محمد حنیف عباسی ءَ گوں امریکی چارج ڈی افیئرز نیٹلی اے بیکر  ءَ گند ءُ نند کت، ایشی ءِ تہا آہاں شریکداری، سرمایہ کاری ءُ روزگار ءِ موہ آنی بابت ءَ گپ ءُ تران کت۔ گند ءُ نند ءِ تہ ءَ نیٹلی اے بیکر ءَ را پاکستان ریلوے ءِ وسیلگ ءَ دمگی رابطہ ءِ دیمروئی ءِ ھوالگ ءَ سرجمیں بریفنگ دیگ بوت۔ اے موہ ءِ سر ءَ ریلوے ءِ وزیر محمد حنیف عباسی ءَ گوشت کہ شریکداری ءَ چہ نوکیں سرمایہ کاری ءُ روزگار ءِ موہ پیداک بنت۔ امریکی چارج ڈی افیئرز ءَ پاکستان ریلوے ءِ اسٹریٹجک ارزشت ءِ سر ءَ تپاک کتگ۔ امریکی چارج ڈی افیئرز ءَ پاکستان ریلوے ءِ گوما کمک ءِ واستا واھشت ءِ درشان کتگ۔ ریلوے ءِ وزیر محمد حنیف عباسی ءَ گوشت کہ ریلوے ءِ شوبگ ءَ شریکداری ءَ چہ دو نیمگی سیادی ءَ را گیش مھکم بیت۔ امریکی چارج ڈی افیئرز ءَ گوشت کہ ریلوے ءِ سوبمندی ءَ چہ ملک ءِ معیشت ھم مھکم بیت ۔ ریلوے ءِ وزیر ءَ نیٹلی اے بیکر ءَ گوں تران کنان ءَ گوشت کہ پاکستان ریلوے ءِ تہ ءَ توامیں دیمروئی ءِ گامگیج مزن وزیر ءِ ویژن ءِ چیر دستی ءَ کنگ بوھگ ءَ انت۔ پاک ریلوے ءِ تہا جدید ڈیٹاائزیشن ءِ عمل برجاہ انت۔ ریلوے ءُ ویسٹ مینجمنٹ کمپنی آنی گوما معاہدہ کنگ بوتگ، ریلوے اسٹیشن آنی صفائی ءِ واستہ جوانیں گامگیج کنگ بوتگ، ایگزیکٹو سی آئی پی ءِ لاؤنج ءُ نوکیں ویٹنگ ایریا، اسکلیٹر، مزنیں اسٹیشن آنی سر ءَ نوکیں نگرانی ءِ نظام جوڑ کنگ بوھگ ءَ انت۔ مزنیں ریلوے اسٹیشن آنی سر ءَ مسافر آناں مفت وائی فائی ءِ آسراتی پجاری کنگ بوھگ ءَ اِنت۔ قائم مقام ڈائریکٹر جنرل نیٹلی اے بیکر ءَ پاک ریلوے ءِ گہتری کار ءِ کوشست آناں ساڑات۔