آرمی چیف فیلڈ مارشل سید عاصم منیر ءِ پنت ءُ شون ءِ سرا بلوچستان ءَ منشیات  ءِ کشت ءُ کشار ءِ ہلاس کنگ ءِ کمپین بندات کنگ بوتگ

اسلام آباد۔22ستمبر  (اے پی پی): آرمی چیف فیلڈ مارشل سید عاصم منیر ءِ ھاسیں پنت ءُ شون ءِ سرا بلوچستان ءَ منشیات  ءِ کشت ءُ کشار ءِ ہلاس کنگ ءِ گامگیج  ءِ بندات کنگ بوتگ۔ دوشمبے ءِ روچ ءَ شنگ بوتگیں ھالانی رد ءَ بلوچستان نیشنل نارکوٹکس فورس ءُ بنجاہی ادارگاں کوکنار ءِ کشت ءُ کشار ءُ جوڑ کنگ ءِ اڈہانی ھلاسی ءِ واستہ مزنیں کمپین ءِ بنگیج کتگ ۔ اے گامگیج   فیلڈ مارشل سید عاصم منیر ءُ بلوچستان سرکار ءِ مستریں پنت ءُ شون ءِ چیر دستی ءَ دیما برگ بوہگ ءَ انت۔ اے گامگیج  ءِ مول ءُ مُراد بلوچستان ءَ  را چہ منشیات  ءَ  رکّینگ ءُ اے وبا ءَ پہ دائمی ھلاس کنگ اِنت۔ منظم آپریشن ءِ وھد ءَ بازیں دمگاں کوکن ءِ فصل تباہ بوتگ انت۔ تریاک ءِ جوڑ کنگ ءُ ٹرانسپورٹ کنگ ءَ ھواریں کارخانہ آنی نیٹ ورک ءِ ھلاپ ءَ ھم کارروائی کنگ بوتگ۔ تریاک ءِ پوست ءِ کارخانہ ءُ ناشرکارانی گِر ءُ دار بوتگ ایشی ءَ را سرجمی ءَ ھلاس کنگ ءِ ھاترا متبادل روزگار ءِ موہ ھم دیم ءَ آرگ بنت۔ روزگار ءِ بدلیں وسیلگ ءِ پجارینگ ءَ چہ دمگی مردماں پدا منشیات ءِ کشت ءُ کشار ءَ چہ رکّینگ بیت۔ منشیات، جرم ءُ ناشرکاری ءِ سیادی ءَ را ٹوٹگ ءِ ھاترا یک موثر ءُ پائیداریں حکمت عملی ءِ زورگ ءِ وھد ءِ لوٹ اِنت۔ اے گِر ءُ دار اے سرجمیں نیٹ ورک ءَ را زور ءُ توان دنت۔ منشیات ءِ ھلاپ ءَ جنگ راجی ذمہ واری انت ۔ اے جنگ ءَ سرکار، سیکورٹی ادارہ ءُ چاگرد ءِ ہر یک مردمے ءَ وتی کرد پیلو کنگی اِنت۔