پاکستان یونائیٹڈ نیشن ءِ جنرل اسمبلی ءِ دیوان ءَ کشمیر ءُ  غزہ  ءَ گیش بوھوکیں  ڈکال آناں سہرا کنگ ءِ واستہ جزمیگ اِنت، مزن وزیر شہباز شریف 26 ستمبر ءَ گشتانک کنت

یونائیٹڈ ۔22ستمبر  (اے پی پی): یونائیٹڈ ءِ جنرل اسمبلی ءِ مزنیں تک ءِ سالانہ دیوان نیویارک ءَ بندات بوھگ ءَ انت کہ ایشی ءِ تہ ءَ سرجمیں دگنیا ءِ 150 ءَ چہ گیش سروک ءُ درئی کارانی وزیر بھر زوری کن انت۔ یونائیٹڈ ءِ تہا پاکستان ءِ پکوئیں  نماھندگ عاصم افتخار احمد ءَ گشتگ کہ مزن وزیر محمد شہباز شریف 26ستمبر ءَ 193باسکی اسمبلی ءَ گوں تران کنت، ایشی ءِ تہا آ جتا جتائیں جھان ءِ جیڈھ ھاسیں رنگ ءَ فلسطین ءُ کشمیر ءِ سرا پاکستان ءِ موقف ءَ پیش کنت۔ آئی ءَ گوشت کہ مزن وزیر شہباز شریف ءِ بھر زوری ءَ چہ پاکستان ءِ کثیر نیمگی ءُ یونائیٹڈ ءِ ھوالگ ءَ مھکمیں جزم ءِ درشان انت ھاسیں رنگ ءَ ھما وھد ءَ کہ پاکستان سلامتی کونسل ءِ باسک ءِ بستار ءَ جھان ءِ امن ءُ دیمروئی ءِ واستہ کار کنگ ءَ انت۔ آئی ءَ گوشت کہ مزن وزیر محمد شہباز شریف وتی گشتانک ءِ تہ ءَ غزہ ءَ ترندیں جنگ بندی ءِ جیڈھ ءُ بھارت ءِ قبضہ ءِ چیر ءَ جموں ءُ کشمیر ءَ وت واجھی ءِ ھک ءِ سر ءَ ھم پدر کنت، چیا کہ اے دوئیں جیڈھ دیراں چہ پاکستان ءِ دری پالیشی ءِ یک ھاسیں بھرے بوتگ اَنت۔ ایشی ءَ ابید مزن وزیر موسمی بدلی ءِ اثر، گیش بوھوکیں اسلاموفوبیا، ناشرکاری ءِ ھترہ ءِ وڑیں جیڈھ آنی سر ءَ ھم رژنائی ءِ شنگ کنت۔ آئی ءَ گوشت کہ مزن وزیر موسمیاتی بدلی ءِ اثر آنی گیواری ءِ واستہ میاں اوستمانی براتی ءِ گوما کار کنگ ءِ ضلورت ءِ سر ءَ زور پر دیان ءَ پاکستان ءِ نقطہ نظر پیش کنت، ایشی ءَ چہ ملک ءَ را سیلاب ءُ ایندگر قدرتی آفت آنی رنگ ءَ سک باز تاوان رستگ۔ زانگ بہ بیت کہ غزہ ءُ یوکرین ءِ تہا برجاھیں جنگ، فلسطین ءِ ریاست ءِ منگ ءُ ھمے رنگ ءَ ایران ءِ گوما ایٹمی ڈیل ھما جیڑھانی تہ ءَ ھوار اَنت کہ یونائیٹڈ ءِ جنرل اسمبلی ءِ اے سالی دیوان ءَ ایشانی سر ءَ گپ ءُ تران کنگ بیت۔ ایشی ءَ ابید مزن وزیر شہباز شریف سیشن ءِ ساھت ءَ بازیں ھاسیں دو نیمگی گند ءُ نند ھم کنت ایشی ءِ تہ ءَ دگنیا ءِ جتا جتائیں سروک ءُ یونائیٹڈ ءِ مزنیں کارندہ آنی گوما مٹ ءُ بدلی ھم ھوار انت۔ آ امریکی صدر ڈونلڈ ٹرمپ ءِ گوما اسلامی رہشونانی گند ءُ نند ءَ ہم بہر زوریت۔ زانگ بہ بیت کہ اے دیوان ءَ پیسر پولینڈ ءِ سرکار ءَ سرجمیں شہر  ءَ مزنیں سیکورٹی بندوبست کتگ کہ ایشی ءِ تہ ءَ ھزاراں اپسر  ءُ ھاسیں یونٹ ھوار اَنت۔