معاون مزن وزیر ءُ دری کارانی وزیر سینیٹر محمد اسحاق ڈار یونائیٹڈ ءِ جنرل اسمبلی ءِ ہشتادمی دیوان ءَ بہر زورگ ءِ ھاتر ءَ نیویارک ءَ سر بوتگ

نیویارک۔22ستمبر  (اے پی پی): یونائیٹڈ ءِ جنرل اسمبلی ءِ 80می دیوان ءَ بہر زورگ ءِ واستہ نائب مزن وزیر ءُ درئی کارانی وزیر سینیٹر  محمد اسحاق ڈار نیویارک ءَ سر بوتگ۔ اے دیوان 22ستمبر ءَ بگر داں 26ستمبر 2025ءَ برجاہ بیت، پاکستانی ڈل ءِ سروکی ءَ مزن وزیر محمد شہباز شریف کنت۔ جمعہ ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر ءِ پاکستان ءِ سر بوھگ ءَ گوں یونائیٹڈ ءِ تہ ءَ پاکستان ءِ پکوئیں  نمائندگ  عاصم افتخار احمد، امریکہ ءَ پاکستان ءِ سفیر رضوان سعید شیخ ءُ نیویارک ءَ پاکستانی سفارتخانہ ءِ مزنیں کارندہ آناں وش اتک کت۔ نائب مزن وزیر ءُ دری کارانی وزیر نیویارک ءَ سک باز دزگٹیں  روچ ءِ گوازینگ ائیت۔  مزن وزیر ءِ گوما جتا جتائیں گند ءُ نند ءُ چست ءُ ایر آنی تہ ءَ بھر زوری ءَ ابید نائب مزن وزیر ءُ دری کارانی وزیر محمد اسحاق ڈار بازیں وزارتی ءُ مزن تک ءِ گند ءُ نند آنی تہ ءَ پاکستان ءِ نمائندگی ءَ کنت۔ آئی ءَ گوں جتا جتائیں ملکانی دری کارانی وزیراں گوں  درزن آنی ھساب ءَ   گند ءُ نند  ھم کنت اِنت۔