اقتصادی چست ءُ ایر آنی روڈ میپ ءَ جندی شوبگ ءِ ھوار کنگ ءَ را اولی ترجی ءِ رنگ ءَ جوڑ کنگ بیت، مزن وزیر شہباز شریف ءَ زوم   ءِ سر ءَ دیوان ءَ   گشتانک

لندن۔22ستمبر  (اے پی پی): مزن وزیر محمد شہباز شریف ءَ زندگ داروکیں منصوبگ آنی پجارینگ ءُ ایشی ءِ سر ءَ عمل کنگ ءِ واستہ ترندیں گامگیج آنی پنت ءُ شون کنگ ءِ وھد ءَ گوشت کہ کشت ءُ کشاری، آئی ٹی، معدنیات، چاگرد ءُ قابل تجدید توانائی ھاسیں شوبگ اَنت کہ ایشی ءِ تہ ءَ درملکی ملک آنی نیمگ ءَ چہ سرمایہ کاری اتک کنت۔ اقتصادی کاروائی آنی روڈ میپ ءِ تہ ءَ نجی شعبہ ءِ ھاسیں کرد بیت، ءُ ایشی ءِ ھوار کنگ ءَ را اولیت دیگ بیت۔ اے ھیالانی درشانی آئی ءَ پاکستان ءَ سرمایہ کاری ءِ کساس، اقتصادی ءُ تجارتی چست ءُ ایر آنی تہ ءَ دیمروئی دیگ ءِ واستہ مزن تک ءِ دیوان ءِ سروکی ءَ کنان ءَ کت۔ لندن ءَ چہ زوم ءِ وسیلگ ءَ برجم داشتگیں دیوان ءَ ماحولیات ءِ وفاقی وزیر مصدق ملک، پٹرولیم ءُ نیچرل گیس ءِ وفاقی وزیر علی پرویز ملک، وفاقی وزیر خزانہ محمد اورنگزیب، وفاقی وزیر تجارت جام کمال، اھوالکاری ءُ شنگ کاری ءِ وزیر وفاقی وزیر عطا اللہ عطا اللہ تارڑ  ءَ بہر زرتگ۔ مزن وزیر ءَ گوشت کہ توامیں ھاسیں شوبگ آنی تہ ءَ سرمایہ کاری ءُ بیپاری ءِ دیمروئی ءِ واستہ پائدگ ئیں منصوبگ آنی سر ءَ کار کنگ بہ بیت۔ زراعت، آئی ٹی، کان کنی، سیاحت ءُ قابل تجدید توانائی ءِ ھاسیں شوبگ انت کہ ایشی ءِ تہا سرمایہ کاری دیمروئی کنوکیں ملک آنی نیمگ ءَ چہ اتک کنت۔ آئی ءَ گوشت کہ سرمایہ کاری ءِ گوما تجارت ءِ دیمروئی ھم مئے پالیشی ءِ بھر اِنت، تانکہ مئے درآمدات ءَ را مزنیں کساسے ءَ گیشی بوت کنت۔ مزن وزیر ءَ گوشت کہ وزارت آناں پنت ءُ شون کنگ بوتگ کہ آ ٹارگٹ ءُ جاری توامیں منصوبگ آناں وھد ءِ سر ءَ سرجمی ءِ واستہ توامیں وسیلگ آناں کارمرد بہ کن اَنت۔ آئی ءَ گوشت کہ ایشی ءِ واستہ آیوکیں وھد ءَ را ھیال داری کنان ءَ روڈ میپ ءُ ٹرانسفارمیشن ایجنڈا جوڑ کنگ بہ بیت تانکہ ما وتی مول ءُ مراد آنی سرجمی ءِ واستہ منظم رنگ ءَ دیم ءَ شُت بہ کن ایں ۔ اقتصادی چست ءُ ایر آنی روڈ میپ ءِ تہ ءَ پرائیویٹ سیکٹر ءِ کلیدی کرد بیت ءُ ایشی ءِ ھوار کنگ ءَ را اولی ترجی ءِ تہ ءَ ھوار کنگ بیت۔ مئے برجاھیں اقتصادی ءُ مالیاتی گہتری کار ءِ پالیشی ءَ معیشت ءَ را نوکیں رھشونی داتگ ءُ اے نوکیں ءُ شفافیت ءِ سبب ءَ ملک دیمروئی ءِ راہ ءَ انت۔ مزن وزیر ءَ وزیر آناں پنت ءُ شون کت کہ آ زندگ داروکیں منصوبگ آنی نشاندہی بہ کن اَنت ءُ ایشی ءِ سر ءَ عمل کنگ ءِ واستہ ترندیں گامگیج بہ زور اَنت۔