بنجائی وزیر ریلوائی محمد حنیف عباسی تون امریکی ناظم الامور نیٹلی اے بیکر نا اوڑدہی

اسلام آباد۔ 22 ستمبر (اے پی پی) بنجائی وزیر ریلوائی محمد حنیف عباسی تون امریکی ناظم الامور نیٹلی اے بیکر اوڑدہی کرے ہراٹی شریداری، زرکاری و روزگار نا وارخواہی تیا ہم گپ وتران کننگا۔ اوڑدہی ٹی نیٹلی اے بیکر ءِ پاکستان ریلوائی نا کمک اٹ علاقائی رابطہ غاتا مون آدننگ آ سرجمی اٹ حوال تننگا۔ داوخت آ وزیرریلوائی محمد حنیف عباسی پارے کہ شریداری پوسکن آزرکاری و روزگار نا وارخواہی ودی کیک۔ امریکی ناظم الامور پاکستان ریلوائی نا اسٹریٹجک اہمیت آ امنا کرے۔ امریکی ناظم الامور پاکستان ریلوائی تون کمکاری ٹی است خواہی ظاہرکرے۔ وزیرریلوائی محمد حنیف عباسی پارے کہ ریلوائی بشخ اٹی شریداری آن ہڑتوم آ کنڈآتا تعلقداری پین سوگو مریک۔ امریکی ناظم الامور نا پاننگ ئس کہ ریلوائی نا سرسہبی آن ملکی زرگزران ءِ ہم سوگوی ملک۔ وزیرریلوائی نیٹلی اے بیکر ءِ پارے کہ پاکستان ریلوائی ٹی غٹ شونداری گام گیج وزیراعظم نا وژن نا رداٹ کننگ انگ ءِ۔ پاکستان ریلوائی ٹی پوسکن آ ڈیجیٹائزیشن نا عمل نا بناءِ کننگانے۔ ریلوائی و ویسٹ مینجمنٹ کمپنی تتون معاہدہ طے مسنے، ریلوائی اسٹیشن تا سفائی ستھرائی کن گچین گام گیج کننگا ، بھلا اسٹیشن تیا ایگزیکٹیو سی آئی پی لاؤنجز و پوسکن آ ویٹنگ ایریا، ایسکلیٹر، پوسکن آ مانیٹرنگ سسٹم جوڑ کننگ انگ ءِ۔ 40 بھلا ریلوائی اسٹیشن تیا مسافر آتیکن مفت وائی فائی نا آسراتی تننگ انگ ءِ۔ امریکی ناظم الامور نیٹلی اے بیکر پاکستان ریلوائی نا اصلاحاتی کوشست آتا ستاءِ کرے۔