آرمی چیف فیلڈ مارشل سید عاصم منیر نا پارت آتیا بلوچستان اٹی منشیات نا برخلاف فیصلہ کن مہم نا بناء

اسلام آباد۔ 22 ستمبر (اے پی پی) آرمی چیف فیلڈ مارشل سید عاصم منیر نا پیدوار پارت آتیا بلوچستان اٹی منشیات نا برخلاف فیصلہ کن مہم نا بناءِ کننگانے۔ دوشنبے نادے آجاری سرجم حوال آتا رداٹ بلوچستان اٹی اینٹی نارکوٹکس فورس و ہندی ادارہ غاک کوکنار نا دسنگ و منشیات نا اڈہ غاتا چٹفنگ کن بھلو مہم اسے نا بناءِ کرے۔ دا مہم فیلڈ مارشل سید عاصم منیر و حکومت بلوچستان نا براہ راست پارت آتا رداٹ برجاءِ۔ دامہم نا مسخت بلوچستان ءِ منشیات آن پاک کننگ و داناسور نا آخبتی وڑاٹ چٹفنگ ءِ۔ منظم کارروائی تیٹی کیہی علاقہ غاتیٹی کوکنار نا فصل آتے تلف کننگانے۔ منشیات نا پیدوار و فراوانی ٹی اوار نیٹ ورک آتا برخلاف ہم کارروائی کننگانے۔ منشیات نا نیٹ ورک و دہشت گرد آتا گٹھ جوڑ ءِ پورو بے سہب کننگ کن گیگ بدل روزگار نا وارخواہی ہم فراوان کننگک۔ روزگار نا گیگ بدل ذریعہ فراوان کرسا ہندی مخلوق ءِ دُوارہ منشیات نا دسنگ آن توننگک۔ منشیات، ڈوہ و دہشت گردی نا گٹھ جوڑ ءِ پرغنگ کن گچین وپائیدار حکمت عملی اس تینا کننگ وخت انا گرج ءِ۔ دا گٹھ جوڑ ہی دا غٹ نیٹ ورک آتے واک فراوان کیک۔ منشیات نا برخلاف جنگ اسہ قومی ءُ زمواری اسے۔ دا جنگ اٹی حکومت، سیکورٹی ادارہ و راج انا ہربندغ ءِ تینا کڑد ءِ ادا کننگ المی ءِ۔