راول ڈیم نا اسپیل وے ءِ دوشنبے نادے 11 بجہ غا ملنگ نا بابت غٹ تعلقدار ادارہ غاتے پیشگی معلومدار کننگانے، این ڈی ایم اے

اسلام آباد۔ 22 ستمبر (اے پی پی) نیشنل ڈیزاسٹر مینجمنٹ اتھارٹی (این ڈی ایم اے) بنجائی دارالحکومت اسلام آباد نا راول ڈیم انا اسپیل وے تے دوشنبے نادے 11 بجہ غاملنگ نا بابت غٹ تعلقدار ادارہ غاتے پیشگی معلومدار کرے۔ این ڈی ایم اے آن جاری بیان نا رداٹ راول ڈیم انا اسپیل وے تے 11 بجہ غا ملنگ نا فیصلہ کننگا۔ راول ڈیم انا لیول 1752.0فٹ آ سرمسنے۔ این ڈی ایم اے غٹ تعلقدار ادارہ غاتے پیشگی معلومدار کرے۔ کورنگ نالہ ٹی دِیر انا بہاؤ ٹی ودکی گمانی ءِ۔ کورنگ نالہ تون کیبی ہنکینی آبادی تا رہینگوک آک محتاط مریر۔ الس آن خواست ءِ کہ دیر انا بہاؤ ترند مننگ نا دروشم اٹ نالہ و نالہ غاتیا جوڑ عارضی پول آتیان گدرینگ انگ آن پاناد کیر۔