نائب وزیراعظم و وزیرخارجہ سینیٹر محمد اسحاق ڈار اقوام متحدہ نا جنرل اسمبلی نا 80 می دیوان اٹی بشخ ہلنگ کن نیویارک آ سرمس

نیویارک۔ 22 ستمبر(اے پی پی) نائب وزیراعظم و وزیرخارجہ سینیٹر محمد اسحاق ڈار اقوام متحدہ نا جنرل اسمبلی نا 80می دیوان اٹی بشخ ہلنگ کن نیویارک آ سرمس ، دیوان 22 آن 26 ستمبر 2025 اسکان برجاسلک ، پاکستانی ڈل انا کماشی ءِ وزیراعظم محمد شہباز شریف کیک۔ دوشنبے نادے آ دفترخارجہ غان جاری بیان نا رداٹ نیویارک آ بننگ آ اقوام متحدہ ٹی پاکستان نا آخبتی مندوب عاصم افتخار احمد، امریکہ ٹی پاکستان نا سفیر رضوان سعید شیخ و پاکستانی سفارت خانہ نا بڑزکو کمامدارآک نائب وزیراعظم ووزیرخارجہ ءِ بخیرکریر۔ نیویارک اٹی نائب وزیراعظم و وزیرخارجہ بھاز اختہ ءُ دے اس گدریفک۔ چندی اوڑدہی و سرجزآتیٹی وزیراعظم تون اوار بشخ ہلنگ آن بیدس نائب وزیراعظم و وزیرخارجہ محمد اسحاق ڈار چندی وزارتی و بڑزکو کہولی دیوان تیٹی پاکستان نا نمائندگی ءِ کیک، اونا چندی ملک آتا وزراء خارجہ غاتون درزن آن زیات اوڑدہی ہم طے ءِ۔