امن ءِ دیمروئی ءِ ھاتر ءَ ھر یک مردم ءُ ھر راج ءَ وتی انفرادی ءُ اجتماعی کرد پیلو کنگی اِنت، مزن وزیر شہباز شریف ءِ امن ءِ میاں اوستمانی روچ ءِ سر ءَ کلوہ

اسلام آباد۔21 ستمبر  (اے پی پی):مزن وزیر محمد شہباز شریف ءَ گوشت کہ داں وھدیکہ جیڑھانی بُن ھشت ھلاس کنگ مہ بنت پائیداریں امن ممکن نہ انت۔ مرچی سرجمیں دنیا ءَ جیڑہ ءُ ناانصافی بنی آدم ءِ باندات ءَ را خطرہ ءَ چہ رکّینگ ءَ اَنت۔ امن ءِ دیمروئی ءِ ھاترا ہر یک مردم ءُ ہر راج ءَ وتی انفرادی ءُ اجتماعی کرد پیلو کنگی اِنت۔ پاکستان ءَ اے گپ ءِ سر ءَ پھر اِنت کہ جھان ءِ امن ءِ برجائی ءَ سرجمیں رنگ ءَ کرد پیلو کتگ ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ اے گپ امن ءِ میاں اوستمانی روچ ءِ موہ ءَ وتی کلوہ ءِ تہ ءَ گوشت۔ مزن وزیر ءَ گوشت کہ اے روچ مارا سنگینیں رنگ ءَ یات ءَ دنت کہ امن ءِ دیمروئی ءِ واستہ ھمک مردم ءُ ھمک راج ءَ وتی انفرادی ءُ اجتماعی کرد پیلو کنگ لوٹ ایت۔ مزن وزیر شہباز شریف ءَ گوشت کہ برجمیں امن ھما وھد ءَ ممکن نہ اِنت کہ جیڈھ ءِ بُن ھشت ایشانی تہ ءَ گریبی، انسانی ھک آنی رد کنگ ءُ گیش بوھوکیں نا رواداری ءِ بنیات ھلاس کنگ مہ بنت۔ آئی ءَ گوشت کہ مھکمیں میاں اوستمانی ادارگ آنی وسیلگ ءَ امن ءِ دیمروئی ءُ رکھینگ لوٹ ایت، میاں اوستمانی براتی ءَ را یک رندے پدا اقوام متحدہ ءِ منشور ءِ رد ءَ جیڈھ آنی گیواری ءِ واستہ یک رندے پدا وتی عزم ءَ را مھکم کنگ لوٹ ایت۔ مزن وزیر شہباز شریف ءَ گوشت کہ وھدے ما امن ءِ راستیں بزانت ءَ را چار ءُ بچار کن ایں گڈا مقبوضہ فلسطین ءِ سرزمین ءُ بھارت ءِ مقبوضہ جموں کشمیر ءَ برجاھیں مزنیں انسانی سانحہ آناں یلہ دات نہ کن ایں ۔ داں کہ اے دمگ آنی مردماں سلامتی کونسل ءِ قرارداد آنی رد ءَ وت واجہی ءِ حق دیگ مہ بیت، پائیدار امن یک وابے ءِ رنگ ءَ مانیت۔ مزن وزیر شہباز شریف ءَ گوشت کہ پاکستان ءَ اے گپ ءِ سر ءَ پھر اِنت کہ جھان ءِ امن ءِ برجائی ءَ پاکستان ءَ مزنیں کردے پیلو کتگ۔ پاکستان ءِ دہائیاں چہ اقوام متحدہ ءِ امن مشن آنی تہ ءَ ھوار بوھگ ءُ آماچیں آبادی آناں انسانی کمک ءِ پجارینگ پاکستان ءِ کوشست آنی بھر اِنت کہ آ دگنیا ءِ جیڈھ آماچیں دمگ آنی تہ ءَ امن ءُ ایمنی ءِ دیمروئی ءِ ھاترا کوشست آنی بھر اِنت۔ اے امن ءِ میان استمانی روچ ءَ ما درست تعمیری ءُ اجتماعی گامگیج زورگ ءِ وعدہ ءَ بہ کنیں؛ بے گناہاں کشوکیں سلاہاں بے توار کن اِت؛ سفارتکاری ءِ سرا ایمان ءِ بحال کنگ ءُ پرامن راہ ءُ درانی وسیلگ ءَ جیڑہانی گیش ءُ گیوار کنگ۔ پاکستان وتی کرد ءَ پیلو کنگ ءَ ساڑی اِنت ءُ میاں اوستمانی براتی ءَ چہ امن، انصاف ءُ انسانیت ءِ بحالی ءِ واستہ کوشست ءَ مئے ھمراھی ءَ ھوار بوھگ ءِ ھاترا دزبندی کنت۔ مزن وزیر ءَ گوشت کہ ما اللہ تعالیٰ ءَ چہ دوا لوٹیں کہ سرجمیں دگنیا ءَ امن ءُ ایمنی بہ بیت ۔ آمین۔