صدر آصف علی زرداری زون کاشغر فری ٹریڈ زون  ءِ تر ءُ تاب

کاشغر۔20ستمبر  (اے پی پی):صدر ءِ مملکت آصف علی زرداری ءَ شمبے ءِ روچ ءَ کاشغر فری ٹریڈ زون ءِ تر ءُ تاب کتگ۔ اے آزاد تجارتی زون چین ءِ شین کیانگ ءِ صوبہ ءَ وتی وڑیں یکیں آسراتی اِنت ءُ تجارت ءُ رسد ءِ ھاتر ءَ یک ھاسیں مرکزے زانگ بیت۔ شمبے ءِ روچ ءَ صدارتی ایوان ءِ پریس ونگ ءِ نیمگ ءَ چہ جاڑی بوتگیں بیان ءِ رد ءَ چین ءِ کمیونسٹ پارٹی ءِ پارٹی سیکرٹری کاشغر یاؤ ننگ ءَ صدر آصف علی زرداری ءَ را وش آتک کتگ ءُ 2015 ءَ زون ءِ جوڑ بوھگ ءَ پد زون ءِ دیمروئی ءِ بابت ءَ سرپدی داتگ۔ کلومیٹر ءِ سرا کہ اودا کسٹم کلیئرنس، ایئر فریٹ سروسز، بانڈڈ گودام، رسد ءُ پروسیسنگ ءِ وڑیں آسراتی دیگ بنت۔ اے زون ءِ تہ ءَ دگنیا ءِ 118 ملک آنی گوما تجارتی سیادی ھست ءُ الیکٹرک گاڑی، بیٹری، سولر سیل، ہائی ٹیک ءِ چیز ءُ آٹو پارٹس ءِ برآمد کنگ بیت۔ بریفنگ ءِ تہ ءَ گوشت کہ اے آزاد تجارتی زون سڑک، ریل ءُ ھوائی راہ آنی وسیلگ ءَ ایشیا ءُ یورپ ءِ دوئیں ملک آنی گوما ھمگرنچ اِنت ءُ ایشی ءِ وتی میاں اوستمانی بالی پٹ ھم است اِنت۔ اے زون سوست بندر (گلگت-بلتستان) ءَ چہ 400 کلومیٹر ءُ گوادر بندر ءَ چہ 2000 کلومیٹر ءِ دوری ءَ انت۔ صدر ءِ مملکت ءَ میاں اوستمانی ملک، یورپی ملک، جنوبی کوریا ءُ جاپان ءَ ھوار جتا جتائیں ملک آنی اسٹال ءُ کیوسک آنی تر ءُ تاب ھم کت۔ صدر ءِ مملکت ءَ را 2024 ءَ جوڑ بوتگیں ڈیجیٹل ٹریڈ سینٹر ءِ بابت ءَ سرپد کنگ بوت کہ ایشی ءِ تہ ءَ اے وھد ءَ 5400 ءَ چہ گیش کمپنی کار کنگ ءَ اَنت۔ آئی ءَ را کراس بارڈر ای کامرس نمائش ءِ مرکز ءِ بابت ءَ ھم سرپدی دیگ بوت کہ ایشی ءِ تہ ءَ میاں اوستمانی ایشیا ءُ یورپ ءَ ھوار جتا جتائیں دمگ آنی ڈیوٹی فری پروڈکٹ پیش کنگ بنت۔ صدر آصف علی زرداری ءَ را ’’دو ملک، دوئیں پارک‘‘ منصوبگ ءِ بابت ءَ ھم سرپدی دیگ بوت، ایشی ءِ چیر دستی ءَ ازبکستان ءِ کمک ءَ جوڑ بوتگیں انڈسٹریل پارک 72کلاک ءِ تہ ءَ گودام ءَ چہ گودام ءَ ترسیل ءِ آسراتی ءَ دنت۔ آئی ءَ را ھال دیگ بوت کہ کرغزستان ءِ کمک ءَ یک دگہ صنعتی پارک ءِ ھم جوڑ کنگ بوھگ ءَ اِنت کہ ایشی ءِ تہ ءَ آٹوموٹو اسمبلی ءُ ایل ای ڈی ءِ چیز جوڑ کنگ بنت۔ صدر ءِ مملکت ءِ ہمراہی ءَ سینیٹر سلیم مانڈوی والا، صوبائی وزیر سندھ سید ناصر حسین شاہ، چین ءَ پاکستان ءِ سفیر ءُ پاکستان ءَ چین ءِ سفیر ہم ھوار ات۔