چین ءِ تر ءُ تاب ءِ وھد ءَ صدر آصف علی زرداری ءَ کاشغر ءِ تاریخی عیدگاہ مسیت ءِ تر ءُ تاب

کاشغر۔20ستمبر  (اے پی پی):صدر آصف علی زرداری ءَ کاشگر ءِ تاریخی عیدگاہ مسیت ءِ تر ءُ تاب کت کہ اے دمگ ءِ نامداریں مذہبی ءُ دود ءُ ربیدگی ھند آنی تہ ءَ یکے انت۔ شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءِ تر ءُ تاب ءَ چہ پاکستان ءُ چین ءِ نیام ءَ ثقافتی یکوئی ءِ دیمروئی ءُ دو نیمگی سیادی آناں مھکم کنگ ءِ تہ ءَ گیش بوھوکیں کمک ءِ درشان انت۔ کاشغر کمیونسٹ پارٹی ءِ سیکرٹری یاؤ نینگ ءُ امام میمتی جوبان ءِ نیمگ ءَ صدر آصف علی زرداری ءِ مسیت ءَ سر بوھگ ءِ پد ءَ آئی ءِ گرمیں وش اتک کنگ بوت۔ امام ءَ صدر ءِ مملکت ءَ را مسجد ءِ تر ءُ تاب ءَ بُرتگ۔ صدر ءِ مملکت ءَ را مسیت ءِ راجدپتری ارزشت ءُ میراث ءِ ھوالگ ءَ ھم سرپد کنگ بوت۔ تر ءُ تاب ءِ ساھت ءَ صدر ءِ مملکت ءَ عصر ءِ نماز وانگ ءَ پد مسیت ءِ شاندار آرکیٹیکچر ساڑاتگ۔ صدر ءِ مملکت ءِ تر ءُ تاب پاکستان ءُ چین ءِ نیام ءَ دائمی دوستی ءَ را مھکم کنگ ءِ تہ ءَ یک دگہ گامگیج ءِ نشان اِنت، دوئیں ملک وتی راجدپتری سیادی ءَ را گیش گہتر کنگ ءُ امن، مھکم ءُ وشھالی ءِ یکجائی مول ءُ مراد آناں دیم ءَ برگ ءِ واستہ جزم اَنت۔ صدر ءِ مملکت ءِ ہمراہی ءَ سینیٹر سلیم مانڈوی  والا ءُ دوئیں ملک آنی سفیر ہم بوتگ انت۔