صدر آصف علی زرداری ءَ کاشغر ءَ سرین ایئر ءِ مالک ءُ سی ای او ءَ گوں گند ءُ نند کتگ ءُ پاکستان ءَ کمپنی ءِ آیوکیں منصوبہ آنی بابت ءَ سرپدی داتگ

کاشغر۔20ستمبر  (اے پی پی):سیرین ایئر ءِ مالک ءُ سی ای او ڈاکٹر یونچن یانگ ءَ شمبے ءِ روچ ءَ کاشغر ءَ صدر آصف علی زرداری ءَ گوں گند ءُ نند کتگ ءُ آئی ءَ را پاکستان ءَ کاروائی آنی واستہ ایئر لائن ءِ آیوکیں منصوبگ آنی بابت ءَ سرپد کتگ۔ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ گوشت کہ سیرین ایئر ءَ را وتی بیڑے ءِ تہ ءَ جہاز آنی کساس ءَ را گیش کنگ لوٹ ایت تانکہ ایئر لائن ءِ نیٹ ورک ءُ رابطہ کاری ءَ را مھکم کنگ بہ بیت۔ ڈاکٹر یونچون یانگ ءَ کیلیفورنیا یونیورسٹی ءَ چہ پی ایچ ڈی کتگ ءُ چین ءِ یک لسٹڈ سیمی کنڈکٹر کمپنی ءِ بانی ءُ صدر اِنت کہ آئی ءِ ماتیں کمپنی سویڈن ءُ امریکہ ءَ اَنت۔ آئی ءَ صدر ءِ مملکت ءَ را پاکستان ءَ سیرین ایئر ءِ آپریشن آنی تہ ءَ گیش سرمایہ کاری ءِ واستہ وتی عزم ءِ دل یکیمی دات۔ سیرین ایئر پاکستان ءِ ہوا بازی ءِ شوبگ ءَ اولی چینی نجی سرمایہ کار ءُ اولی نجی پاکستانی ایئر لائن اِنت کہ آئی ءَ بیجنگ ءِ بالی گراب کتگ۔ ڈاکٹر یانگ ءَ جے ایف 17 ایویونکس ءِ ھوالگ ءَ پاک فضائیہ ءِ گوما کمپنی ءِ یکوئی منصوبگ آنی سر ءَ ھم چمشانک دات۔ اے گند ءُ نند ءَ سینیٹر سلیم مانڈوی  والا، چین ءَ پاکستان ءِ سفیر ءُ پاکستان ءَ چین ءِ سفیر ءَ بہر زرتگ ات۔