چین ءِ تر ءُ تاب ءَ پد صدر آصف علی زرداری وتی ملک ءَ واتر بوتگ

اسلام آباد ۔21ستمبر  (اے پی پی):صدر آصف علی زرداری چین ءِ ھاسیں تر ءُ تاب ءَ پد یک شمبے ءِ روچ ءَ وطن ءَ واتر بوتگ۔ چین ءَ نندگ ءِ وھد ءَ صدر آصف علی زرداری ءَ چینگدو، شنگھائی، ارومچی ءُ کشگر ءِ تر ءُ تاب کتگ ءُ صوبائی سروکی ءَ گوں گند ءُ نند کتگ۔ آئی ءَ پاک چین ءِ سیادی، سی پیک ءِ منصوبگ ءُ آیوکیں راہداریانی بابت ءَ سرجمی ءَ گپ ءُ تران کت۔ یک شمبے ءِ روچ ءَ صدر ءِ مملکت کارگس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ چین ءِ تر ءُ تاب ءِ ساھت ءَ دمگی امن ، دیمروئی ءُ دو نیمگی کمک ءِ ھوالگ ءَ سرجمیں گپ ءُ تران کتگ۔ آئی ءَ ھاسیں مفاہمت نامہ ءِ سر ءَ دستخط کتگ کہ دوئیں ملک آنی نیام ءَ سیادی آنی دیمروئی ءِ تہ ءَ یک سنگ میل ءِ جوڑ بیت۔ صدر آصف علی زرداری ءِ تر ءُ تاب پاک چین ءِ اسٹریٹجک شریکداری ءِ عزم ءِ نوک کنگ اِنت۔ ایشی ءَ چہ پیسر صدر ءَ را کشگر ءِ پارٹی سیکرٹری ءُ سینکیانگ ءِ وائس گورنر نی ژوانگ ءَ کاشی لائننگ انٹرنیشنل ایئرپورٹ ءَ چہ یلہ داتگ ات۔ اے موہ ءِ سر ءَ دوئیں ملک آنی سفیر ھم ساڑی بوتگ اَنت۔ صدر آصف علی زرداری ءَ آئی ءِ میزبانی ءِ ھاتر ءَ چینی سروکی ءِ منت واری ءِ درشان کنان ءَ گوشت کہ صدر شی جن پنگ ءِ وژن ءِ چیر دستی ءَ چین ءَ ھاسیں رنگ ءَ سینکیانگ ءَ دیمروئی ستا کرزیں ءُ دلگوش کنوک اِنت۔ آئی ءَ امیت سہرا کت کہ آیوکیں وھد ءَ پاکستان ءُ چین ءِ الس سیل ءُ سواد ءُ بیپار ءِ واستہ زمینی راہ آنی وسیلگ ءَ آسانی ءَ گوں سفر کن اَنت۔