نائب مزن وزیر ءُ دری کارانی وزیر اسحاق ڈار ءَ مصر ءِ درئی کارانی وزیر ڈاکٹر بدر عبدالعاطی  ءِ فون ءِ سر ءَ پاکستان ءُ سعودی عرب ءَ را اسٹریٹجک ڈیفنس منوگری ءِ سر ءَ دستخط کنگ ءِ مبارک بات داتگ

اسلام آباد۔19ستمبر  (اے پی پی): نائب مزن وزیر ءُ درئی کارانی وزیر اسحاق ڈار ءَ را مصر ءِ درئی کارانی وزیر ڈاکٹر بدر عبدالعاطی  ءِ فون ءَ پاکستان ءُ سعودی عرب ءَ را اسٹریٹجک ڈیفنس منوگری ءِ سر ءَ دستخط کنگ ءِ مبارک بات داتگ۔ جمعہ ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ گوستگیں شپ ءَ نائب مزن وزیر ءُ دری کارانی وزیر اسحاق ڈار ءَ را مصر ءِ دری کارانی وزیر ڈاکٹر بدر عبدالعطی ءِ فون اتکگ ات کہ آئی ءَ گوستگیں شپ ءَ پاکستان ءُ سعودی عرب ءَ را اسٹریٹجک ڈیفنس منوگری ءِ سر ءَ دستخط کنگ ءِ مبارک بات داتگ ات۔ ڈاکٹر بدر عبدالعاطی  ءَ پاکستان ءُ سعودی عرب ءَ را اسٹریٹجک ڈیفنس ءِ منوگری ءِ سر ءَ دستخط کنگ ءِ مبارک بات دیگ ءِ وھد ءَ اے معاہدہ ءَ را مھکمیں شریکداری، بھروسہ ءُ کمک ءِ نیمگ ءَ یک ھاسیں بن ھشت ءِ رنگ ءَ گوشت۔ دوئیں بامرد آنی نیمگ ءَ دمگی ءُ میاں اوستمانی تک ءَ جتاجتائیں دیمروئی آنی سر ءَ ھم ھیال ریچی کنگ بوت ءُ امن، برجائی ءُ اقتصادی دیمروئی ءِ ارزشت ءِ سر ءَ زور پر دات۔ دوئیں رہشوناں کثیر جہتی کمک ءِ واستہ وتی عزم ءِ دوبر پدر کت ءُ گوشت کہ آ آیوکیں ہفتگ ءَ اقوام متحدہ ءِ جنرل اسمبلی ءِ 80می دیوان ءِ ساھت ءَ یک سرجمیں گپ ءُ تران ءِ برجم دارگ ءِ واستہ دل یکیمی انت۔