صدر آصف علی زرداری ارومچی ءَ تپاک نامہ ءِ سرا دستخط کنگ ءِ مراگش ءَ بہر زوری

ارومچی۔19ستمبر  (اے پی پی): صدر ءِ مملکت آصف علی زرداری ءَ پاکستانی ءُ چینی کمپنی آنی نیام ءَ تپاک نامہ ءِ سر ءَ دستخط کنگ ءِ مراگش ءَ بھر زوری کت۔ جمعہ ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں پریس ریلیز ءِ رد ءَ لویانگ ماڈرن بائیو ٹیکنالوجیز  ءُ سندھ حکومت ءِ نیام ءَ اولی تپاک نامہ ءِ سر ءَ دستخط کنگ بوتگ۔ صوبائی وزیر ناصر شاہ  ءَ سندھ حکومت ءِ نمائندگی کت کہ آئی ءِ دلگوشی پاکستان ءِ لائیو اسٹاک ءِ صنعت ءَ را نوک کنگ اِنت۔ دومی تپاک نامہ ءِ سر ءَ بیجنگ انرجی افریقہ لانگو ءُ اے ایس ایم سروسز ءِ نیام ءَ دستخط کنگ بوتگ کہ ایشی ءِ سیادی پاکستان ءَ نوکیں ٹیکسٹائل انڈسٹریل پارک ءِ دیمروئی ءُ جوڑیشت ءَ گوں اِنت۔ سیمی تپاک نامہ ءِ سر ءَ سیچوان چوان شیانگ فائر ٹرکس مینوفیکچرنگ کمپنی ءُ اے ایس ایم سروسز ءِ نیام ءَ دستخط کنگ بوتگ کہ ایشی ءِ سیادی پاکستان ءَ نوکیں ٹیکسٹائل انڈسٹریل پارک ءِ دیمروئی ءَ گوں اِنت۔ ایشی ءَ پاکستان ءِ واستہ فائر ٹرک ءُ نوکیں ایمرجنسی سامان آنی سپلائی، ڈسٹری بیوشن، فروخت ءُ فروخت ءَ پد ءِ سروسز ءِ تہ ءَ کمک ءِ واستہ یک فریم ورک ءِ ٹھینگ بوتگ۔ مراگش ءَ گوں گشتانک دیان ءَ صدر آصف علی زرداری ءَ گوشت کہ اے تپاک نامہ ءَ چہ پاکستان ءُ چین ءِ نیام ءَ ھما پڑ آنی تہ ءَ کمک ءِ نوکیں دروازگ پچ بنت کہ پاکستان ءِ اقتصادی دیمروئی ءُ السی گہبودی ءَ را براہ راست کمک کن اَنت۔ آئی ءَ گوشت کہ لائیو سٹاک انڈسٹری ءِ نوک کنگ ءَ چہ فوڈ سیکیورٹی ءَ را گہتری کیت ءُ میتگ آنی تہ ءَ روزگار ءِ موہ پیداک بنت، ٹیکسٹائل پارک ءَ چہ صنعتی دیمروئی ءُ برآمدات ءَ را گیش کنگ بیت، وھدیکہ فائر ٹرک ءُ ایمرجنسی سامان آنی سر ءَ شریکداری ءَ چہ پاکستان ءِ آفت ءِ رد ءَ رد عمل ءُ کمیونٹی ءِ رکھینگ ءِ صلاحیت آناں مھکم کنگ بیت۔  سینیٹر سلیم مانڈوی  والا ءُ     چین ءَ پاکستان ءِ   سفیر  ءُ پاکستان  ءَ چین ءِ سفیر  ساڑی بوتگ اَنت۔