صدر آصف علی زرداری نا ارومچی ٹی ایم اویوز آ دستخط آتا دود اٹی بشخ ہلک

ارومچی۔ 19 ستمبر (اے پی پی) صدر مملکت آصف علی زرداری پاکستانی وچینی کمپنی تا نیام اٹ مسہ مفاہمت نا یات داشت (ایم اویوز) آ دستخط نا دود اٹی بشخ ہلک۔ ایوان صدر نا پریس ونگ آن جمعہ نادے آجاری بیان نا رداٹ اولیکو مفاہمت نا یات داشت لویانگ ماڈرن بائیو ٹیکنالوجیز و حکومت سندھ انا نیام اٹ طے مس۔ صوبائی وزیر ناصر شاہ سندھ حکومت نانمائندگی کرے ہرانا محور پاکستان نا لائیو اسٹاک صنعت ءِ پوسکن کننگ ءِ۔ ارٹ میکو مفاہمت نا یات داشت بیجنگ ایشین افریقہ لونگیو و اے ایس ایم سروسز نا نیام اٹ مس، ہراپاکستان اٹی اسہ پوسکن ٹیکسٹائل انڈسٹریل پارک اسے نا تشہیر و تفنگ نا بابت ءِ۔ مسٹ میکو مفاہمت نا یات داشت سیچوان چوانکساؤفائر ٹرکس مینو فیکچرنگ کمپنی و اے ایس ایم سروسز نا نیام اٹ طے مس، ہرا پاکستان کن فائر ٹرکس و پوسکن آایمرجنسی ازباب آتا فراوانی ، بشخنگ، بہاکننگ و بہاکننگ آن پد خذمت آتیٹی کمکاری نا فریم ورک طے کیک۔ دود آن تران کرسا صدر مملکت آصف علی زرداری پارے کہ دامفاہمت نا یات داشت آک پاکستان وچین نا نیام اٹ ہمو بشخ آتیٹی کمکاری نا پوسکن ءُ درگہ ملرہ ہرا براہ راست پاکستان نا زرگزرانی شونداری و السی آسودہی کن کمکار ءُ۔ اوپارے کہ لائیو اسٹاک انڈسٹری ءِ پوسکن کننگ آن خور انا رکھ اٹی گچینی بریک و خلقی علاقہ غاتیٹی روزگار نا وارخواہی ودی مریک ، ٹیکسٹائل پارک آن صنعتی شونداری و برآمد آتے مون آدننگک، وخت اس کہ فائر ٹرکس و ایمرجنسی ازباب آتیا شریداری آن پاکستان نا آفت آتا ردعمل و کمیونٹی تا رکھ انا لائخی سوگو مریک۔ دود اٹی سینیٹر سلیم مانڈوی والا، چین اٹی پاکستان نا سفیر و پاکستان اٹی چین نا سفیر ہم ساڑی ئسر۔