مسافر ریل آتا آؤٹ سورسنگ اوپن آکشن نا کمک اٹ کننگک، محمد حنیف عباسی

لاہور۔ 19 ستمبر (اے پی پی) بنجائی وزیر ریلوائی محمد حنیف عباسی نا کماشی ٹی ریلویز ہیڈ کوارٹرز لاہور اٹی اسہ اہم ءُ دیوان اس جمعہ نادے آ مس ہراٹی ریلوائی نا گچینی و اصلاحات نا بابت چندی فیصلہ کننگا۔ ترجمان ریلوائی نا رداٹ دیوان اٹی طے مس کہ مسافر ریل آتا آؤٹ سورسنگ ءِ اوپن آکشن نا کمک اٹ کننگک و  دا فیصلہ نا اطلاع ساڑی آ آؤٹ سورسنگ آ ہم مریک۔ سالانہ کٹیا نا بنچ مارک آ نظرثانی نا منظوری ءِ ہم تننگا و دا مسخت کن اسہ خصوصی ءُ کمیٹی اس ٹہیفنگا۔ ٹرین آپریشن ءِ رکھوک کننگ کن سیفٹی ڈیپارٹمنٹ ءِ واکدار  ڈائریکٹوریٹ نا درجہ تننگ نا فیصلہ کننگا و دارداٹ عملہ و آفیسر آتا تبادلہ ہم کننگا۔ دیوان اٹی گارڈز و ڈیور آتا رننگ روم تا حالیت آ حوال تننگا ۔ بنجائی وزیر ریلوائی داوخت آپارے کہ گارڈ و ڈیور آک ریلوائی نا دست و بازو ءُ، اوفتا کمرہ ، کچن و واش رومک گچین آب انا بایدے مریر۔ وزیرریلوائی پارت کرے کہ پوسکن آ وڑآ ماڈل رننگ  روم تفنگے  اوفتا بناءِ روہڑی، خان پور و خانیوال آن کننگے ۔ دا رننگ روم تیٹی ایئرکنڈیشننگ تون کچن و کامن ڈائننگ روم نا آسراتی ہم فراوان کننگک ۔ دیوان اٹی مکینیکل ڈیپارٹمنٹ ءِ تروک آ ہدف آتیا پیش رفت نا سرجمی اٹ جاچ ءِ ہلنگا ہراڑآ وزیرریلوائی است جمی نا درشانی ءِ کرے۔ دیوان ءِ پاننگاکہ 30 مارچ اسکان 295 ہائی کپیسٹی فریٹ ویگن ریلوائی سسٹم اٹ اوار مریک۔ فریٹ نا غٹ بکنگ ءِ بروک آ ہفتہ غان آن لائن کننگک۔ شالیمار ایکسپریس نا غٹ اے سی اسٹینڈرڈ و اے سی پارلر کوچز بالکل پوسکن اوار کننگ انگ ءِ وخت اس کہ لاہور و راولپنڈی نا نیام اٹ چلینگوک آ ریل کارآتا ری فرنشڈ کوچ آک 11 نومبر اسکان سسٹم اٹی اوار مریرہ۔ ہندا وڑ لاہور۔ نارووال سیکشن نا ریل تا ہرچار آ ریک 8 جنوری آ موصول مریرہ۔ بنجائی وزیر ریلوائی محمد حنیف عباسی داوخت آپارے کہ وسیلہ غاک دُن تو کچ اٹی ءُ ولے عزم بھلن ءِ، پاکستان ریلوائی سہی کنڈآ ہِننگ ءِ و زوت نمان نتیجہ الس نا مون آ بریک۔