نائب وزیراعظم و وزیرخارجہ سینیٹر اسحاق ڈار ءِ مصر انا وزیرخارجہ ڈاکٹر بدر عبدالعاطی نا ٹیل فون، پاکستان و سعودی عرب ءِ تین پہ تینی سٹریٹجک دفاعی معاہدہ غا مبارکبادی تس

اسلام آباد۔ 19 ستمبر (اے پی پی) نائب وزیراعظم و وزیرخارجہ سینیٹر اسحاق ڈار ءِ مصر انا وزیر خارجہ ڈاکٹر بدر عبدالعاطی ٹیل فون کرے و پاکستان و سعودی عرب ءِ تین پہ تینی سٹریٹجک دفاعی معاہدہ غا مبارکبادی تس۔ ترجمان دفترخارجہ نا کنڈآن جمعہ نادے آ جاری بیان نا رداٹ نائب وزیراعظم و وزیرخارجہ اسحاق ڈار ءِ تدوک آ نن مصر انا وزیرخارجہ ڈاکٹر بدر عبدالعاطی ٹیل فون کرے۔ ڈاکٹر بدر عبدالعاطی پاکستان و سعودی عرب ءِ تین پہ تینی سٹریٹجک دفاعی معاہدہ غا دلی مبارکبادی پیش کرسا دامعاہد ہ ءِ سوگو شریداری، پت و کمکاری نا کنڈآ اسہ اہم ءُ مزل اس گوندا۔ ہڑتوم آ راہشونک علاقائی و جہانی کہول آ چنندی بابت مروک آ پیش رفت آہم گپ وتران کریر و امن ، سوگوی و اقتصادی شونداری نا اہمیت ءِ تالان کریر۔ ہڑتوم آ راہشونک کثیر الجہتی کمکاری نا عزم انا درشانی ءِ کرسا پاریر کہ او بروک آ ہفتہ اقوام متحدہ نا جنرل اسمبلی نا 80 می دیوان نا وخت آ مروک آ جوان گپ وتران نا چاری ءُ۔