اسلام آباد۔ 30 نومبر (اے پی پی) تہی کارانی وزیر پروفیسر احسن اقبال ئَ پنت ئُُ شون دات کہ توامیں تھانہ زوتاں زوت ئِ بنیات ئَ کمیونٹی سنٹر جوڑ بکن اَنت ئُُ تھانہ ئَ آیوکیں شہری مردم آناں داد ئُُ دلبڈی دیگ بہ بیت، اسلام آباد ئَ را مڈ ئُُ جنگ ئَ ساپ ئُُ سلہ کنگ ئِ واستہ پولیس ئَ را اُلس دوست بوھگ لوٹیت۔ پنش شمبے ئِ روچ ئَ تہی کارانی وزیر ئَ اسلام آباد ئَ بازیں تھانہ آن اناگہ ئَ تر ئُُ تاب کت۔ تہی کارانی وزیر ئَ تانہ رمنا، تھانہ سیکرٹریٹ ئُُ تھانہ کوھسار ئَ شت۔ احسن اقبال ئَ تھانہ آنی رپورٹنگ روم ئِ چار تپاسی گپت ئُُ ”روزنامچہ“ ھمک روچی کاگد چیک کُت اَنت۔ تھانہ ئِ رپوٹنگ روم ئِ کارندہ آں تہی کارانی وزیر ئَ را بریفنگ دات۔تہی کارانی وزیر ئَ تھانہ آنی تہ ئِ بندیگ آں گوں گند ئُُ نند کت ئُُ ایشانی جیڈھ آنی گیواری ئِ حکم جاڑی کت۔ تہی کارانی وزیر ئَ تھانہ رمنا ئِ نوکیں ماڑی ئِ جوڑیشت ئِ کار ئِ چار ئُُ تپاسی ھم گپت ئُُ اے جوڑیشتی کار ئِ استُک بوھگ ئِ پد ئَ نہ وشی ئِ درشان کت۔
