سیالکوٹ۔ 12مئی (اے پی پی) وزیراعظم محمد شہباز شریف امیر جمعیت اہل حدیث، سینیٹر پروفیسر ساجد میر نا ہنکین آ ہنسا اونا کزیت آ ڈکھیائی و غم انا درشانی ءِ کرینے۔ وزیراعظم آفس نا میڈیا ونگ آن جاری بیان نا رداٹ وزیراعظم ایماندار ساجد میر نا درجہ غاتا بڑزی و اونا خاہوت کن صبر وجمیل نا دعاکرے۔ اوپارے کہ ساجد میر پاکستان نا اہل بصیرت سیاسی شخصیت و دینی ءُ اسکالر اس ئس۔ اونا کزیت آن پاکستان نا سیاسی منظرنامہ ٹی اسہ ہندن ءُ خورکی اس ودی مس ہرا شاید اسُل پُرمننگ کپ۔ وزیراعظم پارے کہ ساجد میر مدام انتہاپسندی و فرقہ واریت نا برخلاف توار بڑزکرے، ہرااونا سیاست و دین انا خذمت آتا روشنا ءُ بشخ اسے۔ مشکل نا داساہت اٹی کنتون اوار مچ آقوم انا ہمدردیک ساجد میر نا خاہوت آتون ءُ۔ وزیراعظم محمد شہباز شریف سیالکوٹ اٹی مسکوہی صوبائی اسمبلی نا باسک و مسلم لیگ (ن) نا راہشون ایماندار چوہدری ارشد وڑائچ نا ہنکین آہنسا ایماندار نا خاہوت تون ہڑزخواہی نا درشانی ءِ کرے۔ وزیراعظم ایماندار کن بخشش نا دعا و خاہوت کن صبر واستقامت نا دعاکرے۔ بنجائی وزیر ڈٹ بندی و شونداری احسن اقبال و بنجائی وزیر کانود و انصاف اعظم نذیر تارڑ ئسک ہم وزیراعظم تون اوار ئسر۔
