سیالکوٹ۔12مئی (اے پی پی): مزن وزیر محمد شہباز شریف ءَ امیر جمعیت الحدیث، سینیٹر پروفیسر ساجد میر ءِ گس ءِ تر ءُ تاب کتگ ءُ آئی ءِ بیرانی ءِ سر ءَ سک باز رنج ءُ گم ءِ درشانی کتگ۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ ھدا مرزی ساجد میر ءِ آکبت پہ ھیری ءُ گس ءِ مردم آنی سگ ءُ اوپار کشی ءِ واستہ دعا ءُ نیک کتگ۔ آئی ءَ گوشت کہ ساجد مری یک مھکمیں شخصیت ءُ پاکستان ءِ اُلس ءِ واستہ یک زانتکارءُ بلد کاریں مردم ءِ بوتگ ، آئی ءِ بیرانی ءِ تاوان اچبر پیلو بوت نہ کنت۔ مزن وزیر ءَ گوشت کہ ساجد ءَ مدام کشاں چیل ءِ ھلاپ ءَ گوانک چست کتگ۔ آئی ءَ گوشت کہ اے سکیں ساھت ءَ ما گوں آئی ءِ ھاندان ءَ یکوئی ءِ درشان ءَ کناں، مزن وزیر محمد شہباز شریف ءَ صوبائی اسمبلی ءِ پیسریگیں باسک ءُ مسلم لیگ (ن) ءِ راہشون چوہدری ارشد وڑائیچ ءِ گس ءِ تر ءُ تاب کتگ ءُ بیران بوتگیں مردم ءِ کھول ءَ گوں دلپدردی ءِ درشانی کتگ۔ مزن وزیر ءَ بیران بوتگیں مردم ءِ واستہ آکبت پہ ھیری ءُ سگ ءُ اوپار کشی ءِ دعا ءِ نیک کت۔ مزن وزیر ءِ ھمراہی ءَ منصوبگ بندی ءُ دیمروئی ءِ بنجاھی وزیر احسن اقبال ءُ کانود ءُ انصاف ءِ اعظم نذیر تارڑ ھم ھمبراہ ات۔
