اسلام آباد۔ 30 نومبر (اے پی پی) مزن وزیرشاہد خاقان عباسی ئَ پاکستان ئَ ناشرکار آنی ایمنیں سرپگ ئِ جاھ آنی بابت ئَ امریکہ الزم آناں رد کنان ئَ گوشت کہ دمگ ئَ بوھوکیں اُرش اوگانستان ئَ چہ بوھگ ئَ اَنت۔ پنچ شمبے ئِ روچ ئَ نیویارک ئَ نامداریں امریکہ ئَ برجائیں میاں اوستمانی نیوز ایجنسی بلوم برگ نیوز ئَ یک گلگدار ئِ تہئَ مزن وزیر ئَ گوشت کہ پاکستان حقانی نیٹ ورک ئَ ھوار وتی سیم سر ئِ توک ئَ ھمک وڑیں ناشرکاریں گروپ ئِ استی ئِ پد ئَ کاروائی کنت۔ آئی ئَ گوشت کہ ما امریکی کارندہ آناں گوشتگ کہ حقانی نیٹ ورک ئِ بابت ئَ سرپدی بدیت گڈا ما کاروائی کناں۔ آئی ئَ گوشت کہ ما امریکی کارندہ آناں گوشتگ کہ حقانی نیٹ ورک ئِ ھوالگ ئَ مارا سرپد ئُُ سھیگ بکن اِت، چیر اندریں ھال بدیت ما ایشی ئِ سرئَ کاروائی کناں پدا ھم ناشرکاری ئِ اُرش سیم سر ئَ چہ ڈن کنگ بوھگ ئَ اِنت۔ آئی ئَ اے رد ئَ آھودا استیں اُرش کنوک آنی ایمنیں جاھ آنی بابت ئَ تران کت ئُُ گوشت کہ اوگانستان ئَ چہ سیم سر ئَ آدیم دست مان جنی ھمروچگیں کار جوڑ بوتگ۔
