اسلام آباد۔12مئی (اے پی پی): پاکستان ءَ کرد گل ’’پی کے کے‘‘ ءِ ھلاس کنگ ءِ جار ءَ را وش اتک کتگ ءُ ناشرکاری ءِ ھلاسی ءُ دائمی امن ءِ برجائی ءِ ھاترا یک ھاسیں گامگیج لیک اِتگ۔ مزن وزیر محمد شہباز شریف ءَ ’’ایکس‘‘ ءِ سر ءَ وتی پیغام ءِ تہ ءَ گوشت کہ اے راجدپتری گامگیج ترک صدر رجب طیب اردوان ءُ ترک راج ءِ مفاہمت، یکوئی ءُ برجائی ءِ نیمگ ءَ روگ ءِ بے دروریں جزم ءِ درشان اِنت۔ مزن وزیر ءَ گوشت کہ پاکستان ءُ ترکی ھمک رنگ ءِ ناشرکاری ءِ بُن ھشت ءَ چہ کشگ ءِ سر ءَ جزم اَنت۔
