اسلام آباد۔12مئی (اے پی پی):مزن وزیر محمد شہباز شریف ءَ شہیدانی پیکج ءُ آپریشن ’’بانیان مرصوص ‘‘ ءِ جوانیںیں سوبمندی ءِ موہ ءَ ہر سال 10مئی ءَ حق ءِ جنگ ءِ روچ ءِ برجم دارگ ءِ جار جتگ۔ حق ءِ جنگ ءَ شہید بوتگیں پاکستانی شہریانی وارساں دہ لک کلدار دیگ بیت وھدیکہ ٹپیگاںیک لک ءَ بگر داں دو لک کلدار دیگ بیت۔ مزن وزیر ءَ 16مئی 2025 جمعہ ءِ روچ ءَ پاکستان ءِ دیمپانیجنگ ءِ سر ءَ پاکستان ءَ را جوانیں سوبمندی ءِ پجارینگ ءِ واستہ پاکستانی سلاہ بندیں اُرد ءَ را توسیپپ ءُ ستا پیش کنگ ءُ اللہ تعالیٰ ءِ شکر گزار کنگ ءِ روچ ءِ رنگ ءَ برجم دارگ ءِ پیسلہ ھم کتگ۔ دوشمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ حق ءِ جنگ ءِ روچ سرجمیں ملک ءَ ھمک سال گوں جزبگ ءُ راجییکوئی ءِ جذبہ ءَ دارگ بیت۔ مئے بہادریں فورسز ءِ پیشہ وارانہ صلاحیتاں مارا فخر کتگ۔ مزن وزیر ءَ 16مئی 2025ءَ جمعہ ءِ روچ ءَ پاکستان ءِ جار جتگ اے ھم پیسلہ کنگ بوتگ کہ پاکستانی سلاہ بندیں اُرد ءَ را دیمپانی محاذ ءِ سر ءَ دراجیں سوبمندی ءِ سر ءَ توسیپپ ءُ ستا پیش کنگ ءُ اللہ تعالیٰ ءِ شگر ءُ منت ءِ درشان کنگ بہ بیت۔ جمعہ ءِ روچ ءَ شکر ءِ روچ ءِ برجاہ دارگ ءَ خاصیں دعا وانگ بیت، اللہ ءِ حضور ءَ شکر کنگ بیت ءُ ملک ءُ قوم ءِ دیمروئی ءِ واستا دعا وانگ بیت۔ مزن وزیر ءَ ھندی اُرش آں چہ آماچیں مردم ءُ جائیداد آنی واستہ ھم مزنیں پیسلہ کتگ ۔ مزن وزیر ءَ راستی ءِ جنگ ءَ شہید بوتگیں مردمانی واستہ شہیدانی پیکج ءِ جار جتگ۔ راستی ءِ جنگ ءَ شہید بوتگیں پاکستانی شہریانی وارثاں دہ لک کلدار دیگ بیت ءُ ٹپیگاںیک لک ءَ بگر داں دو لک کلدار دیگ بیت۔ پاک سلاہ بندیں اُرد ءِ شہیدانی وارث آنہانی عہد ءِ حساب ءَ دہ لک ءَ چہ 18 لک کلدار ءِ زرّ دیگ بیت۔ پاک سلاہ بندیں اُرد ءِ شہیدانی وارس آناں گس ءِ آسراتی ءِ واستا وتی عہد ءِ رد ءَ 19 لکھ ءَ چہ 42 لک کلدار دیئگ بیت ۔ پاک سلاہ بندی ءِ شہیدانی سرجمیں پگار داں ریٹائرمنٹ ءِ روچ ءَ الاؤنس ءِ گوما برجاہ مانیت۔ پاکستانی لشکر ءِ شھیدانی زھگاں داں گریجویشن ءَ مفت ءَ وانگ ءُ زانگ دیگ بیت، پاکستانی لشکر ءِ ھمک شھید ءِ یک جنک ءِ آروس ءِ واستہ یک لک کلدار نکاح گرانٹ دیئگ بیت، پاکستانی لشکر ءِ ٹپیگاں دو لک ءَ بگر داں پنچ لک کلدار دیگ بیت۔ مزن وزیر ءَ گوشت کہ وفاقی حکومت ھندی اُرش ءَ چہ آماچ بوتگیں گس ءُ شھیدیں مسیت آناں دوبر جوڑ کنت، شھید آنی زھگ آنی چار ءُ بچار ءِ ذمہ واری حکومت ءِ سر ءَ اِنت، ما اے فرض ءَ پیلو کن ایں، ٹپیگ آنی الاج ءِ دراھیں ھرچ ءُ درچ وفاقی حکومت ءِ زمہ واری ءَ زوریت۔ آئی ءَ گوشت کہ پاکستان ءِ ازت ءُ شرپ ءِ رکھینگ ءُ دیمپان ءَ ھمک جنگ ءَ ایشی ءَ ازت ءُ شرپ پیلو کتگ۔ ایشاناں راجی تک ءَ کنگ بیت ءُ ایشاناں داد ھم دیگ بیت۔
