سوچی۔ 30نومبر (اے پی پی) مزن وزیرشاہد خاقان عباسیپنچ شمبے ئِ روچ ئَ شنگھائی کمکی گل (ایس سی او) ئِ سروک ئِ شانزدھمی دیوان ئَ بھر زوری ئِ ھاترا روس ئِ شہر سوچی ئَ سر بوت۔ ائیر پورٹ ئَ سر بوھگ ئَ کرانسو درریجن گورنر ئُُ روس ئِ درئی کارانی وزارت ئِ چیف آف پروٹوکول ئَ آرا وش اتک کت۔ روس ئَ پاکستان ئِ سفیر قاضی ایم خلیل ئُُ ایندگہ ٹوھیں ٹوھیں کارندہ اے موہ ئِ سرئَ ساڑی اتنت۔ مزن وزیر رشین فیڈریشن ئِ مزن وزیر دمتری میدودوف ئِ دعوت ئِ پد ئَ سنگھائی کمکی گل ئِ سروکیں دیوان ئَ بھر زوروی کنگ ئَ اِنت ایش یکم دسبر ئَ تاں جاڑی دارگ بیت۔ گوستیں سال ئِ جون ئَ گل ءِ سرجمیں باسکی ئَ پد ایس سی او ئِ سروکیں حکومت ئِ دیوان ئَ پاکستان ئِ اولی بھر زوری اِنت۔ اے دیوان ئِ ایجنڈا گل ئِ دیمروئی کمک ئِ ھاترا گامگیج، اُمتیت ئُُ ترجی آنی سر ئَ دلگوش اَنت۔ مزن وزیر اے تر ئُُ تاب ئِ ساھت ئَ ایس سی او ئِ مراگش ئَ ھم بھر زوری کنت ایشی ئِ میزبانی ئَ روسی مزن وزیر ئُُ ایس سی او ئِ ایندگہ ھمکار کنگ ئَ اِنت۔ ایشی ئَ چہ پد پلینری سیشن ئِ برجائی کنگ بیت آھودا مزن وزیر گشتانک ھم دنت۔ اے سیشن ئَ مزن وزیر شنگھائی کمکی گل ئِ مول ئُُ مراد ئَ ھوار ناشرکاری ئُُ کشاں چیل ئُُ جنگ ئُُ دمگی ایمنی ئُُ برجائی ئُُ دیمروئی ئِ ھاترا پاکستان ئِ ساپ دلی ئِ سر ئَ چمشانک ھم دنت۔ اے مراگش گڈ ئَ پیسلہ آنی سر ئَ دست چنگل ئِ جنگ ئَ پد آسر بیت۔ ایشی ئَ چہ پد ٹولہ ئِ سروک آنی یکجائی جار ھم جاڑی کنگ بیت۔ مزن وزیر سروکی دیوان ئِ سائیڈ لائن ئِ سر ئَ دو نیمگی گند ئُُ نند ھم کنگ بیت۔ شنگھائی کمکی گل نوں 8ملک آں ھوار اِنت ایشی ئِ تہئَ پاکستان ، چین، روس، بھارت، قزاخستان، کرغزستان، تاجکستان ئُُ ازبکستان ھوار اَنت۔ گل ئِ تہ ئَ چار4 ملک ایران، اوگانستان، بیلاروس ئُُ منگولیا ئَ را گشتانک کار ئُُ 6ملک آں ھوار آرمینیا، آذربائیجان، کمبوڈیا، نیپال، سری لنکا ئُُ ترکی ئَ را ڈائیلاگ پارٹنر ئِ درجگ رستگ۔
