اسلام آباد۔12مئی (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں فرانس ءِ یورپ ءُ درئی کارانی وزیر جین نول بیروٹ ءَ ٹیلی فون ءِ سر ءَ گپ ءُ تران کت۔ درئی کارانی کارگس ءِ رد ءَ نائب مزن وزیر ءَ فرانس ءِ دری کارانی وزیر ءَ را سرپدی داتگ کہ پاکستان ءَ اے بحران ءِ وھد ءَ تحمل ءِ درشان کتگ ءُ ایوک ءَ اقوام متحدہ ءِ منشور ءُ میاں اوستمانی کانود ءِ رد ءَ وت مہ وتی ءِ حق ءَ کارمرد کتگ۔ آئی ءَ گوشت کہ پاکستان دمگی امن ءُ ایمنی ءِ واستہ زمہ واری ءِ گوما کار ءَ برجاہ دار ایت۔ فرانس ءِ درئی کارانی وزیر ءَ بے گناھیں مردمانی بیرانی ءِ سر ءَ دلپدردی ءِ درشانی کتگ۔ آئی ءَ پاکستان ءُ بھارت ءِ نیام ءَ جنگ بندی ءِ منوگری ءَ را وش اتک کنان ءَ دوئیں نیمگ ءَ گر ءُ دار کنگ ءِ ضلورت ءِ سر ءَ زور پر دات ۔ دوئیں رہشون آنی تہ ءَ شاھیگانیں فورم آنی تہ ءَ ھوار نزیکیں رابطہ ءِ برجاہ دارگ ءِ سر ءَ تپاک کنگ بوتگ۔
