جمہوریت ئِ برجائیئَ پارلیمان ئِ ارزشتی ایں کرد اِت، چیئرمین سینٹ میاں رضا ربانی
آزاتی ئِ روچ ئِ مراگش ئِ رد ئَ پارلیمنٹ گس ئَ پُرمڈائیں دیوان
اسلام آباد۔ 14اگست (اے پی پی) آزاتی ئِ روچ ئِ پد ئَ دو شمبے ئَ پارلیمنٹ گس ئَ یک پُر مڈائیں مراگش ءبرجم دارگ بوت، ایشی ئِ تہ ئَ چیئرمینسینیٹ میاں رضا ربانی ئُُدارچین قومی اسمبلی سردار ایاز صادق ئَ ”جمہوریت ئِ یاتگیری“ ئِ سر ئَ پُل ایر کت۔ اے موہ ئِ سر ئَ سیکرٹری سینٹ امجد پرویز ملک ئَ ابید قومی اسمبلی ئُُ سینیٹ ئِ ٹوھیں کارندہ ھم ساڑی اتنت۔ چیئرمین سینیٹ میاں رضا ربانی ئَ گوشت کہ آئین ئِ رکھینگ ئُُ مھکم دارگ ئِ ھاترا قوم ئَ را یک مشت بوھگی اِنت۔ پارلیمان اُلسی واھشت آنی جارچین ئُُ جمہوریت ئِ برجائی ئَ پارلیمان ٹوھیں ارزشتئِ دار ایت۔ 70 ھپتادھمی آزاتی ئِ رد ئَ جمہوریت ئِ یاتگیری ئِ سر ئَ پُل ایر کنگ ئَ پد اھوالکاراں گوں تران کنان ئَ آئیئَ گوشت کہ سینٹ ئَ گوشت کہ مرچی کول ئُُ کرار ئِ روچ اِنت ئُُ بُنجاھ ئَ را مھکم کنگی اِنت۔ آئی ئَ گوشت کہ مارا سوگند کنگی اِن کہ آئین ئِ ادارگ آنا آوانی راستیں ھک دئیگ بہ بیت ئُُ کشاں چیل ئِ کشک ئَ روگ ئِ بدل ئَ ملک ئَ را دیمروئی ئُُ وشھالی ئِ کشک ئَ تیلانک دیگی اِنت۔ آئی ئَ گوشت کہ ما راجدپتر ئِ اے موڑ ئَ اوشتاتگ آں۔ ایشی ئِ تہ ئَ ادارگ آنی نیام ئَ کشاں چیلئَ چہ بچگی اِنت اگاں مرچی ھم ما زانشتکاری پیسلہ نہ کت گڈا راجدپتر مارا اچبر ماپ نہ کنت۔مارا قائداعظم ئِ پاکستان ئِ دیمروئی ئُُ وشھالی ئِ ھاترا یکجا بوھگ ئُُ کار کنگی اِنت ایشی ئِ اکس قائداعظم محمد علی جناح ئَ اگست 1947ئِ گشتانک ئَ سرجمیں رنگ ئَ بیان کتگ بوتگ۔
