2018ئَ دووارگ گچین کاری پڑ سمبھینگ بیت ئُُ اُلس نواز شریف ئَ را دو وارگ گچین کنت
وزیر ئِ مملکت چوہدری جعفر اقبال ئِ ” اے پی پی“ ئَ گوں تران
لالہ موسیٰ ۔11 اگست (اے پی پی) پاکستان مسلم لیگ (ن) ئِ سروک ئُُ وزیر ئِ مملکت برائے دِکہ ئُُ بالیگ گراب چوہدری جعفر اقبال ئَ گوشت کہ معاشی دیمروئی، ناشرکاری ئِ ھلاسی ئُُ ملک ئَ کوراسی ئَ را ھلاس کنگ ئِ سپر بندات بوتگ ئُُ مئے سروک محمد نوز شریف ئَ 2013 ئَ ایشی ئِ بندات کتگ بوتگ مزن وزیر شاہد خاقان عباسی ئِ سروکی ئَ جاڑی دارگ بیت۔ لالہ موسیٰ ریلی ئَ سر بوھگ ئَ پیسریگیں مزن وزیر محمد نواز شریف ئَ وش اتک ئِ موہ ئَ ” اے پی پی“ ئَ گوں تران کنان ئَ چوہدریی جعفر اقبال ئَ گوشت کہ نواز شریف جی ٹی روڈ ئِ کشک ئَ باسک آنی واھشت ئِ پد ئَ اتکگ ئُُ جاھ پہ جاھ باسک آں وتی سروک ئَ را پُر مہری ئَ وش اتک کتگ ئُُ وتی سروک ئَ گوں ھمگام ئَ اوشتگ ئِ جزم نواز شریف ئَ گوں ھُب ئُُ واھگ ئِ درشان اِنت۔ آئی ئَ گوشت کہ 2018ئِ دووارگ گچین کاری ئِ پڑ سمبھینگ بیت ئُُ اُلس نواز شریف ئَ را پد ئَ گچین کن آں۔ ایشی ئَ چہ پیسر جہلم ئِ کو´ر ئَ چہ ریلی 11بج ئَ روانگ بوتگ ئُُ جاھ پہ جاھ باسک آنی مزنیں کساس مُچ بوتگ ئُُ وتی سروک ئَ را پُل ئِ سر ئَ زرّ شان ئُُ وش اتک کتگ۔ لالہ موسیٰ ئِ جاھ ئَ ہزارانی باسک گرمی ئَ چہ ابیدواھندے ئَ نواز شریف ئِ وش اتک ئِ ھاترا مُچ بوتگ آں ئُُ نواز شریف ئِ ھک ئَ نھردگ جتگ۔ نواز شریف ئِ سروکی ئَ ریلی لاہور ئَ گڈ بیت۔
