پیسریگیں مزن وزیر محمد نواز شریف ئِ چار شمبے ئُُ پنچ شمبے ئِ نیامی شپ ئَ راولپنڈی ئَ ریلی ئَ گوں تران

ووٹ ئِ مینڈیٹ ئِ تاں وھد ئِ شرپ مہ بیت ملک دیمروئی نہ کنتت، منی دست ساپ اَنت، کرپشن ئِ ٹِک دور ئُُ گستائیں گپ اِت، بُھتام ھم نیست، جاک ئُُ کوکار کنوک ئُُ مولوی آں ملک ئِ ستیا ناس کنگ ئِ کوشست کتگ، من مُدام گوں راستیں نیت ئَ ملک ئُُ راج ئِ ازمت ئِ کتگ، چار سال ئَ لوڈ شیڈنگ ، ناشرکاری بُنگوج، پاکستا دیمروئی ءِ کشک ئَ راھ کپتگ، پاکستان سرمایہ کاری ئِ ھاترا جوانیں ملک ئِ نامینگ بوتگ، ملک ئَ بزگرآناں روزگار رسگ ئَ اِنت،
راولپنڈی،اسلام آباد ۔ 9 اگست (اے پی پی) پیسریگیں مزن وزیر محمد نواز شریف ئَ گوشت کہ ووٹ ئِ مینڈیٹ ئِ تاں وھد ئِ شرپ ئُُ اِزت کنگ نہ بیت ملک دیمروئی نہ کنت، منی دست ساپ اَنت، کرپشن ئِ سیاھیں ٹک دور ئُُ گستا ئیں گپ اِت منی سر ئَ بھتام انگت تاں نیست، جاک ئُُ کوکار کنوک ئُُ مولوی آں ملک ئَ را دیم پہ شکن کنگ ئِ باز کوشت کتگ من مُدام گوں راستیں نیت ئَ ملک ئِ ازمت کنگ ئِ جھد کتگ، ما چار سال ئَ لوڈشیڈنگ ئَ را گر ئُُ دار کتگ، ناشرکاری ھلاس کتگ، پاکستان دیمروئی ئِ کشک ئَ راھ کپتگ ، پاکستان سرمایہ کاری ئِ ھاترا جوانیں ملک ئِ نامینگ بوتگ، ملک ئَ گریب ئُُ بیروزگار آناں روزگار رسگ ئَ اِنت۔ اے ھیالانی درشانی آئی ئَ چار شمبے ئُُ پنچ شمبے ئِ نیامی شپ راولپنڈی ئَ ریلی ئَ گوں گشتانک دیان ئَ کت۔ پیشریگیں مزن وزیر محمد نواز شریف ئَ گوشت کہ راولپنڈی ئِ اُلس آں مرچی ھما دوستی ئُُ واھگ درشان کتگ آں کہ من اے وڑیں دوستی بِھ نہ دیستگ، مردم دعویٰ کناں کہ رالپنڈی آوانی اِنت بلے در حقیقت ئَ راولپنڈی نواز شریف ایگ اِنت، راولپنڈی ئِ مات، گوار، ورنا ئُُ پیریں آنی مزنیں کساس ئَ آئی ئَ را وش اتک گوشت ایشی ئِ پد ئَ آوانی شگر ئَ گر آں، اینکیاس ایں مزنیں کساس ئَ اُلس ئِ وش اتکی ئَ چہ سہر ا اِنت ککہ راولپنڈی ئِ اُلس ئَ مزن وزیر نواز شریف ئِ ھلاپ ئَ پیسلہ کبول نہ کتگ، آئی ئَ گوشت کہ نواز شریف ئَ را کجام گپ ئِ سزا دیگ بوتگ؟ آئی ئَ چے راجی ھزانگ لوٹ اِتگ؟ زرّ ئِ خورد ئُُ بُرد کتگ؟ کرپشن ئِ کتگ یا کمشین ئِ وارتگ؟ من ئَ اے گپ ئِ واستہ نااہل کتگ کہ من وتی زھگ ئِ کمپنی ئَ چہ پگار نہ زرتگ، اگاں من وتی زھلگ ئِ کمپنی ئَ چہ پگار زُرت ایں گڈا ڈکلیئر کتگ اَت، وھد ئِ پگار ئِ جند نہ زرتگ گڈا چوں ڈکلیئر ئِ کناں۔ آئی ئَ گوشت کہ اُلس وتی ووٹ ئَ چہ مزن وزیر ئَ گچین کنت ئُُ لستیں مردم یکیں دمان ئُُ ساھت ئَ ایشرا وزارت ءَ چہ ایر کن آں۔ آئی ئَ گوشت کہ منی گوما اے سیمی رند ئَ بوتگ، من مُدام گوں تچک ئُُ بھکیں دل ئَ اُلس ئِ اِزمت کنگ لوٹ اِتگ، پاکستان دیمروئی ءِ کشک ئَ راھ کپتگ ، ناشرکاری ھلاس بوتگ ، پاکستان ئَ سرمایہ کاری ئِ واستہ جوانیں ملک ئِ نامینگ بوتگ، ملک ئَ بے روزگار ئُُ لنگڑیں مردم آناں روزگار دیگ بوھگ ئَ اِنت۔ ملک ئَ سی پیک ئِ رنگ ئَ مزنیں کساس ئَ سرمایہ کاری اتکگ، اگاں مئے حکومت ئَ را لوگ ئَ روان دیگ مہ بوت ایں گڈا ملک ئَ دیمروئی ئِ گام گیش ترند تر بوتگ اَتنت، منا اولی رند ئَ دو سال ئُُ نیم ءَ حکومت ئَ اِشتگ، دومی رند ئَ ھت کڑی دست ئَ دیگ ئُُ جیل ئَ روان دیگ بوتگ ئُُ ھپت سال ئَ وطن ئَ چہ ڈن روگ کپتگ، انوں ما راجی اِزمت ئِ جوزگ ئَ دیم ئَ روگ ئَ اتاں پدا مستریں چک ئِ کمپنی ئَ پگار زورگ ئِ پد ئَ من ئَ ”نااہل“ نامینگ بوت، دُگنیا ئُُ پاکستان ئِ اُلس ئُُ پاکستان ئِ اُلس آں اے پیسلہ ئَ را رد کتگ۔ شما چے اے پیسلہ ئَ را قبول کتگ، اے سرجمیں پاکستان ئِ راج ئِ پیسلہ نہ اِنت بلکیں سرجمیں ملک ئِ پیسلہ اِنت۔ آئیئَ گوشت کہ کدئی پاکستان مٹ بیت؟ 70سال ئَ اِچ ھم مزن وزیر ئِ حکومت ئَ وھد ئُُ پاس سرجم نہ کتگ، ملک ئَ 18مزن وزیر اتکگ اَنت،کساس ھمک مزن وزیر ئَ یک یک سال ئِ حکومت کتگ، یک مزن وزیر ئِ ئَ را پاھو دیگ بوتگ، یک مزن وزیر ئِ ئَ را ھت کڑی دست ئَ داتگ ئُُ جیل ئَ روان داتگ ئُُ یک ئِ ئَ را جلاوطن کنگ بوتگ، چے مزن وزیر راج ئِ نماھندگ نہ اَنت؟ مزن وزیر ئِ کدئی شرپ بندات بیت؟70سال ئَ چہ اے توازو کنگ بوھگ ئَ اِنت، راج نوں اے توازو ئَ را برداشت نہ کنت، آئی ئَ گوشت کہ منا حکومت ئِ لالچ نہ اِنت بلکینگ ئَ اے لالچ منا اِنت کہ منی راج دُگنیا ئِ گہتریں راج آںی تہئَ ھوار اِنت۔ آئیئَ گوشت کہ 2013 ئَ وھد ئِ من سیٹ ئَ را گپتگ گڈا ملکی معشیت تباھ بوتگ، ما ایشرا دیمروئی ئِ کشک ئَ تیلانک داتگ، ما دیم ئَ جنزگ ئَ بوتگ آں، آئی ئَ گوشت کہ کدئی اُلس ئِ ووٹ آنی شرپ کنگ بیت یا مدام بے شرپی کنگ بیت؟ ما اُلس ئِ مینڈیٹ ئِ شرپ بہ کنائین آں، نوں ما اے وڑ نئیل آں۔ آئی ئَ گوشت کہ ما را کار ئِ کنگ گیش نیشت اَتِت، 2014ئَ جاک کنگ بوت، پدا کوکار کنگ بوت، جاک ئُُ کوکار کنوک آں مئے ھلاپ ئَ چونیں چونیں سازش نہ کتگ، اے کینڈا ئَ ائیش ئُُ اشرت کناں، جاک ئُُ کوکار کنوک آں چے چے وڑیں پندل نہ ساچ اِتگ، آئی ئَ گوشت کہ منی ھمبراھ داری ئَ ملک ئَ دیمروئی دیگ اِنت منی برجائی اِناں۔ آئی ئَ گوشت کہ چے ملک ئَ بزگری ئُُ ناواندگی ئُُ کور پھمی ئِ ھلاسی بی بیت؟ من ھمے ھارا کار کنگ ئَ بوھگ ئَ اتاں، منی وھد ئِ حکومت ئَ پشاور ئَ چہ اسلام آباد، اسلام آباد ئَ چہ لاہور موٹروے جوڑ کتگ، منا ھت کڑی جنگ بوت ئُُ اٹک جیل ئَ روان دیگ بوت، 2013ئَ اے موٹروے لاہور ئَ چہ کراچی ئَ روگ ئَ اِنت، ایشی ئَ چہ پیسر 2018-19ئَ سرجم کنگ بیت۔ اے یک المی ایں کامیاتی اِت۔ آئیءَ گوشت کہ ما بلوچستان ئَ دگ جوڑ کتگ، ایمنی برجا کتگ، ناشرکاری ئِ ھلاپ ئَ جنگ ئَ کامیاتی در جتگ۔ آءی ئَ گوشت کہ مرچی یک واکیہ ئِ ئَ پاک اُرد ئِ میجر ئُُ سئے ورنا شہید کنگ بوتگ آں من آواں سلام پیش کناں۔ آئی ئَ گوشت کہ تو بے شک منا برجا کت مکن ات ، اے ملک ئِ کسمت ئِ مٹ کنگ ئِ ھاترا نواز شریف ئِ گوما ھمبراہ داری ئَ بکن آں۔ آئی ئَ گوشت کہ من پاکستان ئِ وپاداریں پاکستانی آں، راج ئَ گوں پیار کناں، اے راج ئِ کسمت ئِ مٹ کنگ ئِ ھاترا گڈا چے شما نواز شریف ئِ گوما ھمبراہ بئے؟ دست گوں دست ئَ یک مشت ئُُ ھمگام بئے نواز شریف ئِ گوما ھمبرا ہ بہ بئے؟ وعدہ کناں حکومت ئِ لالچ ئَ ابید گریب آنی کسمت ئِ مٹ کنگ ئِ ھاترا شمے ھمبراہ داری ئَ کناں، شما منی گوما ھمبراہ داری ئَ نواز شریف ئِ ھمراھ داری ئَ کن اِت۔ وعدہ کناں کناں کہ حکومت ئِ لالچ ئَ ابدی گریب آنی کسمت ئِ مٹ کنگ ئِ ھاترا شمے ھمراہ داری ئَ کناں، شما چے منی ھمبراہ داری ئِ وعدہ ئَ پیلو کن اِت؟ آئی ئَ گوشت کہ ریلی ئِ ساھت ئَ میڈیا ئِ کمو چینلز آنی ھلاپ ءَ کاروائی کنگ بوتگ، اے شریں گپ اِ ت نہ اِت، اے مئے شری نہ اِنت، آوانی شری اِنت کہ آ بھتام بند اَنت۔ آئی ئَ باسک آں گوں اپیل کت کہ اے رنگیں کار ئِ مکن اِت ۔ آئی ئَ گوشت کہ راولپنڈی ئِ رمب ئِ مردم دگ ئِ سر ئَ دیستگ، شمئے واھگ ئُُ دوستی ئَ را گندگ ئَ من ئَ سک باز وشی بوتگ۔ آئی ئَ گوشت کہ من باندا سھب ئَ 11کلاک ئَ کچہری چوک روالپنڈی ئَ چہ لاہور ئِ ھاترا سپر ئِ بندات ئَ کناں۔