ہزار آخلقت نا ریلی ٹی شرکت نواز شریف تون اوفتا مابت نا درشان، الس محمد نواز شریف ئِ وونٹ تس، او الس نا منت واری ئِ ادا کننگ خواہک
اسلام آباد۔ 10 اگست (اے پی پی) پاکستان مسلم لیگ(ن) نا سینئر راہشون مصدق ملک پارینے کہ ہزار آخلقت مسکوہی وزیراعظم محمد نواز شریف نا ریلی ٹی شرکت کرسا اوڑتون تینا مابت و اوڑآ پت انا درشانی ئِ کننگ ئُ۔ تدوک آ دے نجی ٹی وی تون ہیت وگپ اٹی اوپارے کہ مسکوہی وزیراعظم محمد نواز شریف نا ریلی ٹی ہزار آتا کچ اٹی خلقت شرکت کننگ ئُ و اوڑتون تینا مابت و عقیدت نا درشانی ئِ کننگ ئُ، خلقت مسکوہی وزیراعظم آ پت کننگ ئُ۔ اوپارے کہ گڑتی تا باوجود محمد نواز شریف و مسلم لیگ (ن) ادارہ غاتا سوگوی کن عدالت عظمیٰ نا فیصلہ غا پورو عملدرآمد کرینو۔ اوپارے کہ ریلی نا دروشم اٹی تینا اُراغاہِننگ مسکوہی وزیراعظم نا جمہوری حق ئِ، الس محمد نواز شریف ئِ وونٹ تسنے و او الس نا منت واری ئِ ادا کننگ خواہک۔ اسہ سوج اسے آ اوپارے کہ مسلم لیگ (ن) نا حکومت تحریک انصاف ئِ دھرنہ و جلسہ و جلوس آتیٹی سیکورٹی تسوسس۔

متعلقہ مضامینمصنف کی طرف سے مزید