اسلام آباد۔ 10 اگست (اے پی پی) قومی وطن پارٹی نا سروک باسک قومی اسمبلی آفتاب احمد خان شیر پاﺅ پارینے کہ مسکوہی وزیراعظم نواز شریف نا ریلی ہچ گہس نا برخلاف اف ، بروک آ لس گچین کاری تے کن مہم نا بنائِ کرینے۔ پنچ شنبے نادے پارلیمنٹ ہاﺅس نا پیشن میڈیا تون ہیت و گپ کرسا اوپارے کہ مسکوہی وزیراعظم نواز شریف نا سیاسی مچی کننگ نا حق جوڑ مریک اوناجلسہ و ریلیک ہچ گہس نا برخلاف افس، اوبروک آ لس گچین کاری 2018 ءنا مہم نا بنائِ کرینے۔ او پارے کہ نواز شریف نا ریلی ئِ کسس تون گنڈنگ سہی اف۔ ساڑی حالیت آتیٹی غٹ سیاسی جماعت آک، جمہوریت نا مون آ دننگ کن اتفاق و سیوت ئِ قائم تخنگ نا گرجئِ۔ اوپارے کہ الس بروک آ لس گچین کاری تیٹی کارکڑد نا بنداو آ وونٹ ایتک۔
