پاکستان اٹی فلم تون اوار ہر بشخ اٹی لائخ آ بندغ آتا ہچ ئُ کمتی اس اف، بیرہ وارخواہی تا گرج ئِ، وزیر مملکت اطلاعات ، نشریات وقومی میرات
اسلام آباد۔ 10 اگست (اے پی پی) وزیر مملکت اطلاعات ، نشریات و قومی میرات مریم اورنگزیب پاکستانی فلم ڈائریکٹر جمشید محمود رضائِ ”لاکارنو“ فلم میلہ ٹی بڑزکوایوارڈ اس دوئی کننگ آ مبارکبادی ترسا پارے کہ جامی نا پن اٹ پنی آ فلم ”مور“ انا ہدایتکار جمشید رضائِ ملوک آ ایواڈاونا لائخی تا جہانی کہول آ امنائی ئِ۔ پنچ شنبے نا دے جاری تینا اسہ بیان اسے ٹی وزیر مملکت مریم اورنگزیب پارے کہ 8 ایشیائی ملک آتیان جامی تون اوار مہناز علوی دیوان ئِ گچین کننگا، ہرا اسہ اعزاز اسے، پاکستان اٹی فلم تون اوار ہر بشخ اٹی لائخ آ بندغ آتا ہچ ئُ کمتی اس اف، بیرہ وارخواہی تا گرج ئِ۔ اوپارے کہ جمہوری حکومت ملک اٹی فلم نا بشخ انا تجدید و مون آ دننگ نا چرجوئی ٹی جامع پالیسی آ کاربند ئِ ، فلم ، پروڈکشن و براڈکاسٹنگ پالیسی نا رداٹ لائخ آ ورناو بندغ آتا است بڈی و فنی تربیتئِ المی جوڑ کننگک۔ اوپارے کہ فلم راج اٹی مثبت رجحان و سوچ آتا مون آ دننگ اٹی اسہ گچین ئُ ابلاغی ذریعہ اسے۔ جامی لوکارنو فلمی میلہ نا ”اوپن ڈور ٹورینو فلم لیب“ ایوارڈ ئِ دوئی کرینے۔ جامی تون اوار مہناز علوی دیوان دامیلہ ٹی پاکستان نا کنڈآن سٹوڈیوریل فلم آتا نمائندہ ئس۔
