اسلام آباد۔ 10 اگست (اے پی پی) وزیراعظم شاہدخاقان عباسی جذام نا ناجوڑی نا برخلاف جیرت و بہادری اتون خذمت انجام تروک آ روتھ فاﺅ نا کزیت آ است ہسونی نا درشانی ئِ کرسا انسانیت کن اونا خذمت و جوزہ ئِ حب الوطنی نا ستائِ کرینے۔ پنچ شنبے نادے تینا اسہ ہڑزخواہی کلہو اسے ٹی وزیراعظم پارے کہ ایہن تو روتھ فاﺅ جرمنی ٹی ودی مس ولے اونا است ہمیشہ پاکستان اٹی ئس۔ اوجذام نا مرض اٹی مبتلا بندغ آتا زند آتے گچین جوڑ کننگ کن پاکستان نا اڈ ہلنگ نا اولیکو سال تیٹی داڑے آباد مس و تینے جذام نا مریض آتا خذمت کن وقف کرے۔ وزیراعظم پارے کہ نن روتھ فاﺅ نا جذام نا چٹفنگ کن جیرت، وابستگی و خذمت و غٹ آن زیات جوزہ ئِ حب الوطنی ئِ ہمیشہ یات تخنہ۔
