مسلم لیگ (ن) نا راہشون سینیٹر ڈاکٹر آصف کرمانی نا مسلم لیگ (ن) نا ریلی نا لاہور آ رادہ مننگ آن مست میڈیا تون ہیت وگپ

اسلام آباد۔ 09 اگست (اے پی پی) مسلم لیگ (ن) نا راہشون سینیٹر ڈاکٹر آصف کرمانی پارینے کہ مخالف آتا کنڈآن سرکاری وسیلہ غاتا کاریم اٹ اتنگ نا دوبہ بے بنداو ئِ، نواز شریف السی ئُ قائد اسے و الس نا خواہش آ بذریعہ جی ٹی روڈ لاہور آ کاہک۔ کارندہ غاک تینا قائد نا استقبال کن چاری ئُ ۔ پنجاپ ہاﺅس مسلم لیگ (ن) نا ریلی نا لاہو ر رادہ مننگ آن مست میڈیا تون ہیت وگپ کرسا آصف کرمانی پارے کہ سیکورٹی گڑتی ضرور ارے ولے سیکورٹی نا معاملہ ئِ اللہ گا ہلنہ، اوپارے کہ زرہ سیان پد داکان نواز شریف نا سروکی ٹی قافلہ رادہ مریک ہرا سلاہ ئی روٹ آن مرسا لاہور آ سرمریک۔ اسہ سوج اسے نا ورندی ٹی اوپارے کہ ہچ ئُ سرکاری وسیلہ اس کاریم اٹ اتون، مخالف آتا دوبہ غاک بے بنداو ئُ۔ کسراٹی اڈکننگ و السی مچی آن تران نا فیصلہ صلابت اٹ کننگک۔