وزیراعظم شاہد خاقان عباسی نا تیمر گرہ ٹی میجر علی سلمان تون اوار چار فوجی کارندہ غاتا شہیدی آ ڈکھ انا درشان

دہشت گردی نا برخلاف جنگ درحقیقت وت واجہ قوم اسے نا حیثیت اٹ ننا وجود نا بقا نا جنگ ئِ
اسلام آباد۔ 09 اگست (اے پی پی) وزیراعظم شاہد خاقان عباسی تیمر گرہ ٹی میجر علی سلمان تون اوار چار فوجی کارندہ غاتا شہید ی آ ڈکھ انا درشانی ئِ کرسا پارے کہ دہشت گردی نا برخلاف جنگ درحقیقت وت واجہ قوم اسے نا حیثیت اٹ ننا وجود نا بقاءنا جنگ ئِ۔ سے شنبے نا دے وزیراعظم آفس آن جاری بیان نا رداٹ وزیراعظم پارے کہ ننا بہادر فوج دہشت گرد عنصر آتے بھلو نسخان اس تسنے و داڑتون اوار اوار بے مثل قربانی پیش کرینے۔ وزیراعظم پارے کہ ننا ہیروتا دتر نا ہر پڑی داہیت انا ثبوت ئِ کہ نن لمہ وطن ئِ دہشت گرد عنصرآتیان پاک کننگ کن قوم اسے نا حیثیت اٹ یکجااُن۔ اوپارے کہ ننا کانود نافذ کروک آ ادارہ غاتیا داوڑنا لغوری جلہو دہشت گردی نا برخلاف ننا عزم ئِ لڑزوخ یا دہشت گرد عنصر آتا برخلاف جاری کارروائی تے سست کننگ کپک ۔ وزیراعظم اللہ تعالیٰ آن شہید آتا درجہ غاتا بڑزی وپدسلوک آتے کن صبر و جمیل نا دعا کرے۔