وزیراعظم شاہد خاقان عباسی نا اوغان صدر اشرف غنی تون ہیت وگپ

اوغان صدر اشرف غنی نا وزیراعظم شاہد خاقان عباسی ئِ ٹیلی فون ، بطور وزیراعظم گچین مننگ آمبارکباد
اسلام آباد۔ 07 اگست (اے پی پی) اوغان صدر اشرف غنی وزیراعظم شاہد خاقان عباسی ئِ ٹیلی فون کرے و اودے وزیراعظم نا حیثیت اٹ اونا گچین مننگ آ مبارکبادی تس۔ دوشنبے نا دے وزیراعظم ہاﺅس نا کنڈآن جاری بیان نا رداٹ اوغان صدر داعمل جوانی اٹ پورو مننگ آ است جمی نا درشانی ئِ کرسا پارے کہ داپاکستان اٹی جمہوریت کن خوش آئند ئُ ہیت اسے۔ وزیراعظم شاہد خاقان عباسی اوغان صدر نا منت واری ئِ ادا کرسا پارے کہ دہشت گردی ہڑتوم آ ملک آتے کن اسیجائی ئُ خلیس اسے، نن ڈیہہ ٹی سلامتی و سوگوی کن اوغانستان تون اواری اٹ کاریم کینہ۔ اوپارے کہ دہشت گردی اسیجائی ئُ دشمن ئُ و ڈیہہ آن دالعنت نا چٹفنگ کن اواری اٹ کوشست آتے کاریم اٹ اتینہ۔ داہیت آ امنا خننگا کہ نن ڈیہہ ٹی توانائی نا چیلنج آتون مون تننگ و پاکستان و اوغانستان اٹی اقتصادی حالیت آتیٹی گچین کن اواری اٹ کاریم کینہ۔