وزیراعظم شاہد خاقان عباسی نا وزیر مملکت انوشہ رحمان تون ہیت وگپ

بنجائی سرکاری ادارہ غاتیٹی شفافیت و بروخت فیصلہ سازی کن ڈیجیٹلائزیشن نا عمل آ ترندی اٹ عملدرآمد ئِ المی جوڑ کننگے
اسلام آباد۔ 07 اگست (اے پی پی) وزیراعظم شاہد خاقان عباسی پارینے کہ بنجائی سرکاری ادارہ غاتیٹی شفافیت و بروخت فیصلہ سازی کن ڈیجیٹلائزیشن نا عمل آ ترندی اٹ عملدرآمد ئِ المی جوڑ کننگے۔ اوداہیت ئِ وزیر مملکت انفارمیشن ٹیکنالوجی اینڈ ٹیلی کمیونیکیشن انوشہ رحمان تون ہیت وگپ کرسا پارے ہرا دوشنبے نا دے وزیراعظم آفس اٹی اوڑتون اوڑدہی کرے۔ اوڑدہی ٹی انوشہ رحمان وزیراعظم ئِ آئی ٹی وزارت نا معاملہ کار و بنجائی سرکاری ادارہ غاتا ڈیجیٹلائزیشن نا بارواٹی معلومدار کرے۔ وزیراعظم پارے کہ ڈیجیٹلائزیشن نا عمل آ ترند رفتاری اٹ عملدرآمد کننگے انتئے کہ داڑآن شفافیت المی مریک و بروخت فیصلہ سازی ٹی آسراتی ملک۔