وزیراعظم شاہد خاقان عباسی تون پارلیمانی امور نا بنجائی وزیر شیخ آفتاب احمد نا اوڑدہی

اسلام آباد۔ 07 اگست (اے پی پی) وزیراعظم شاہد خاقان عباسی تون پارلیمانی امور نا بنجائی وزیر شیخ آفتاب احمد دوشنبے نادے داڑے وزیراعظم ہاﺅس اٹی اوڑدہی کرے۔ شیخ آفتاب احمد وزیراعظم ئِ پارلیمانی امور ا سمبلی نا بزنس نا بارواٹی معلومدار کرے۔ بنجائی وزیر پارے کہ کانود سازی نا معاملہ غاتیٹی غٹ پارلیمنٹ نا باسک آتا اوار مننگ و السی مفاداٹی مروک آ کانودسازی ٹی اوفتے تینا سلاہ غاتے پیش کننگ نا است بڈی کننگک۔ وزیراعظم وزارت پارلیمانی امور نا کارکڑد نا ستائِ کرے وپارے کہ داہیت بے کچ است بڈ ئِ کہ پارلیمان نا باسک آک کانودسازی نا بابت معاملہ غاتے ٹی فعال وڑاٹ شرکت کننگ ئُ۔ بنجائی وزیر وزیراعظم ئِ حکومت نا ایس ڈی جی پروگرام نا بارواٹی بریفنگ تس۔ اوڑدہی ٹی ایس ڈی جی نا نفاذ نا بابت معاملہ غاتیا ہم خیال آتا درشانی ئِ کننگا۔