پاکستان نا حکومت و مچ آقوم مقبوضہ کشمیر نا الس تون تفوک ئُ ، کشمیری الس نا حق خودارادیت نا دوئی کن اخلاقی ، سیاسی و سفارتی مخ تفی ئِ برجاتخنگک، وزیراعظم شاہد خاقان عباسی

اسلام آباد۔ 07 اگست (اے پی پی) وزیراعظم شاہد خاقان عباسی پارینے کہ پاکستان نا حکومت و مچ آ قوم مقبوضہ کشمیر نا الس تون تفوک ئُ و کشمیری الس نا حق خودارادیت نا دوئی کن روا جہد نا اخلاقی ، سیاسی و سفارتی مخ تفی ئِ برجاتخنگک۔ اوداہیت ئِ آزاد کشمیر نا وزیراعظم راجہ فاروق حیدر تون ہیت وگپ کرسا پارے ہرادوشنبے نا دے وزیراعظم آفس اٹی اوڑتون اوڑدہی کرے۔ ایوان وزیراعظم نا کنڈآن جاری بیان نا رداٹ اوڑدہی ٹی سیاسی اہمیت نا بابت معاملہ و شونداری گام گیج آتیا خیال آتا درشانی مس۔ وزیراعظم مقبوضہ کشمیر نا الس نا تینا حق خودارادیت کن روا جہد کن پاکستان نا اخلاقی ، سیاسی و سفارتی مخ تفی نا اعادہ ئِ کرے۔