اسلام آباد۔ 07 اگست (اے پی پی) محکمہ موسمیات بروک آ 24گھنٹہ ٹی ہزارہ، پشاور، مردان، راولپنڈی، گوجرانوالہ ڈویژن، فاٹا، اسلام آباد و کشمیر اٹی جاگہ جاگہ ترند تہو و ہورہ و گروک تون پِر وخت اس کہ گڑاس ہند آتیا شنزئی پِر انا پیش گوئی کرینے۔ دوشنبے ناد ے داڑے جاری بیان نا رداٹ لاہور، مالاکنڈ، کوہاٹ، بنوں، ڈی آئی خان، ژوب ڈویژن و گلگت بلتستان اٹی گڑاس ہند آتیا ہورہ و گروک تون پِر وخت اس کہ مکران ڈویژن و سندھ انا کرکی علاقہ غاتیٹی پڑی پڑی پِر انا گمان ئِ۔ ملک انا ایلو علاقہ غاتیٹی موسم باسن و نمبی سلک۔ بروک آ 48 گھنٹہ ٹی ہزارہ، پشاور، مردان ، راولپنڈی، گوجرانوالہ ڈویژن، فاٹا، اسلام آباد و کشمیرا ٹی جاگہ جاگہ ترند تہو و ہورہ و گروک تون پِر وخت اس کہ گڑاس ہند آتیا شنزئی پِر اناگمان ئِ۔ داکان بیدس لاہور، سرگودھا، مالاکنڈ، کوہاٹ، بنوں، ڈی آئی خان، قلات ڈویژن و گلگت بلتستان اٹی گڑاس ہند آتیا ہورہ و گروک تون پِر وخت اس کہ مکران ڈویژن و سندھ انا کرکی علاقہ غاتیٹی پڑی پڑی پِر انا گمان ئِ۔ ملک انا ایلو علاقہ غاتیٹی موسم باسن و نمبی سلک۔ گدرینگوک آ 24گھنٹہ ٹی ملک انا گیشتر علاقہ غاتیٹی موسم باسن و نمبی سلیس۔ ولے لاہور، گوجرانوالہ، راولپنڈی، ہزارہ ڈویژن اٹی گڑاس ہند آتیا ترند تہو و ہورہ و گروک تون پِر مس۔ غٹ آن زیات پِر لاہور (بالی پٹ29، سٹی، پنجاپ یونیورسٹی12) ، گوجرانوالہ6، مری 3، قصور2، بالاکوٹ16، کاکول 14و کالام اٹی 3ملی میٹر ریکارڈ کننگا۔ تدوک آ دے دالبندین اٹی 45سینٹی گریڈ و نوکنڈی و سیبی ٹی 44 ڈگری سینٹی گریڈ درجہ حرارت ریکارڈ کننگا۔
