اسلام آباد۔06 اگست (اے پی پی) محکمہ موسمیات بروک آ 24 گھنٹہ ٹی ملک نا گیشتر علاقہ غا تیٹی موسم باسن و نمبی ولے ہزارہ، پشاور ، کوہاٹ ، بنوں ،مردان، ڈی آئی خان، راولپنڈی،گوجرانوالہ ، لاہور ڈویژن ، اسلام آبا د ، فاٹا و کشمیر اٹی گڑاس ہندآتیا ترند تہو و ہورہ و گروک تون پِر انا گمان ئِ ، یک شنبے نا دے جاری بیان نا رداٹ بروک آ 48 گھنٹہ ٹی ہزارہ ، پشاور ، مردان ،کوہاٹ ،بنوں ، ڈی آئی خان ، راولپنڈی ، گوجرانوالہ ڈویژن ، فاٹا ، اسلام آباد و کشمیراٹی جا گہ جاگہ ترند تہو و ہورہ و گروک تون پِر وخت اس کہ گڑاس ہند آتیا شنزئی پِر انا گمان ئِ ۔ داکان بیدس لاہور ،مالاکنڈ ڈویژن و گلگت بلتستان اٹی گڑاس ہند آتیا پر وخت اس کہ سند ھ ا نا کرکی علاقہ غاتیٹی پڑی پڑی پر انا گمان ئِ ، ملک انا ایلو علاقہ غاتیٹی موسم باسن و نمبی سلک، تدوک آ24گھنٹہ ٹی ملک نا گیشتر علاقہ غا تیٹی موسم باسن و نمبی سلیس ولے لاہور ڈویژن ، فاٹا و کشمیر اٹی گڑاس ہند آتیا ترند تہو و ہورہ و گروک تون پِر مس ،غٹ آ ن زیات پرکوٹلی 12،گڑھی دوپٹہ 04 لاہور 03، و پارا چنار اٹی 03 ملی میڑ ریکارڈ کننگا ۔
